SWYDDI GWAG
Mae hwn yn gyfnod pwysig a chyffrous i’r Torch wrth i ni agosáu at ein hanner canmlwyddiant ac yn edrych at adeiladu ar ein llwyddiannau presennol a’r gorffennol, ochr yn ochr â datblygu Bwrdd Rheoli’r Torch (y Bwrdd). Y nod yw canolbwyntio ar ddyfnhau ein heffaith, cryfhau ein cynaliadwyedd hirdymor (yn enwedig o ran cyllid, codi arian a goruchwylio prosiectau cyfalaf), a pharhau i ddangos y rôl hanfodol sydd gan theatr fyw yn gymdeithas heddiw.
Wrth wraidd popeth a wnawn mae'r gred na ddylai mynediad at theatr o ansawdd uchel byth ddibynnu ar gefndir, amgylchiadau na lleoliad daearyddol.
Ar hyn o bryd, rydym yn ceisio penodi nifer o Aelodau Bwrdd newydd sydd ag arbenigedd mewn cyllid, codi arian a/neu brosiectau cyfalaf, sy’n rhannu’r gred honno, ac a fydd yn ein helpu i arwain y Torch gyda chynhesrwydd, uniondeb, eglurder ac uchelgais.
Mae gan y Bwrdd rôl hynod bwysig o fewn y Torch, ac yn gweithio'n agos gyda'r Uwch-dîm Rheoli (SMT) i gefnogi a herio'r sefydliad mewn ffordd adeiladol, gan adeiladu ar ei etifeddiaeth lwyddiannus a pharhau i esblygu.
Rydym yn chwilio am unigolion sy'n dod ag arweinyddiaeth feddylgar a chynhwysol, barn strategol gadarn, ac ymrwymiad diffuant i gydweithio a bod yn agored.
Mae aelodau'r Bwrdd yn helpu i sicrhau llywodraethu cadarn a diben clir, tra hefyd yn gweithredu fel llysgenhadon i'r Torch ac yn ein helpu i feithrin perthnasoedd a chael cymortjh ar draws y sector a thu hwnt. Rôl wirfoddol yw hon, a telir costau rhesymol mewn amgylchiadau priodol.
Rydym yn gwerthfawrogi amrywiaeth ac yn annog ymgeiswyr o bob rhan o'r gymuned yn frwd, yn enwedig y rhai sydd heb gynrychiolaeth ddigonol ar draws y celfyddydau.
Dylid anfon Cofnod Cyrhaeddiad (CV), llythyr ategol a ffurflen monitro Cyfle Cyfartal wedi'i chwblhau drwy e-bost at: guy@torchtheatre.co.uk
Nodwch eich e-bost fel a ganlyn: Cyfrinachol – Recriwtio Aelodau o'r Bwrdd
Y dyddiad cau ar gyfer ceisiadau yw 12 hanner dydd ar ddydd Llun, 9 Tachwedd 2026.
Ar ôl llunio rhestr fer, cynhelir cyfweliadau yn hwyrach ym mis Tachwedd. Cadarnhewch yn eich llythyr eglurhaol unrhyw ddyddiadau yn ystod y cyfnod hwn sy'n anghyfleus a pha un a fyddai'n well gennych gyfweliad yn ystod y dydd neu gyda'r hwyr.
Byddwn yn cadarnhau ein bod wedi derbyn eich cais drwy e-bost.
Board Member Equal Opportunities Monitoring Form (Cymraeg).docx Board Member Recruitment Pack (Cymraeg).pdf
Swyddi gwag Theatr y Torch ar gyfer staff Caffi achlysurol
Mae Theatr y Torch yn chwilio am unigolion llawn egni i ymuno â’n tîm Blaen Tŷ fel Cynorthwywyr Caffi achlysurol. Os oes gennych chi angerdd am wasanaeth cwsmeriaid a bod gennych chi brofiad o waith mewn caffi, gallai hwn fod yn gyfle gwych i chi.
Fel Cynorthwyydd Caffi achlysurol byddwch yn gyfrifol am:
- Groesawu a gwasanaethu cwsmeriaid sy'n ymweld â Chaffi'r Torch, mewn modd cyflym ac effeithlon gan aros yn ddigynnwrf mewn amgylchedd a all fod yn brysur;
- Pob agwedd ar weini bwyd a diod gan gynnwys gweithredu system til yr ICR;
- Darparu gwasanaeth cwsmeriaid cyson o ansawdd uchel mewn rôl sy'n gallu bod yn gyflym iawn ar adegau;
- Clirio, sychu a thacluso byrddau ym mhob ardal o’r caffi, gan gynnwys golchi llestri wrth baratoi ar gyfer gwasanaeth;
- Dilyn yr holl weithdrefnau hylendid a glanweithdra bwyd yn drylwyr;
- Gweithio mewn cydweithrediad â staff theatrau eraill i ddarparu gwasanaeth di-dor ar draws yr holl weithrediad arlwyo; a
- Chydymffurfio bob amser â pholisïau a gweithdrefnau Theatr y Torch
Rydym yn chwilio am unigolion gyda:
- Agwedd o 'allu gwneud' tuag at waith;
- Profiad blaenorol o weithio mewn caffi neu amgylchedd manwerthu;
- Sgiliau cyfathrebu rhagorol, hyder a hunan-gymhelliant;
- Personoliaeth onest a chyfrifol;
- Y gallu i ddatrys problemau ar unrhyw adeg benodol;
- Parodrwydd i fod yn hyfforddedig ac yn hyderus wrth ddefnyddio'r peiriant coffi a'r tiliau;
- Sylw rhagorol i fanylder a phrydlondeb; a
- Sgiliau tîm ardderchog
Caiff oriau agor ein caffi eu pennu gan ein rhaglenni theatr a sinema a byddant yn amrywio’n rheolaidd. Rydym felly'n gweithredu system shifft/rota gydag oriau wedi'u cytuno o flaen llaw gyda'r Rheolwr Blaen Tŷ a Gweithrediadau. Bydd angen rhai sifftiau cynnar a/neu hwyr dros yr wythnos, penwythnosau a Gwyliau Banc. Felly mae argaeledd yn ofyniad hanfodol ar gyfer y rôl hon.
Gwerhfawrogwn amrywiaeth ac rydym yn annog ymgeiswyr o bob rhan o'r gymuned yn gadarnhaol, yn enwedig y rhai a dangynrychiolir ar draws y gweithlu celfyddydol.
Bydd cyfraddau cyflog byw fesul awr/Isafswm Cyflog Cenedlaethol yn berthnasol.
Os oes gennych ddiddordeb mewn gwneud cais am swydd Cynorthwyydd Caffi achlysurol, darparwch Gofnod Cyrhaeddiad (CV) diweddar a llythyr eglurhaol ynghyd â ffurflen fonitro Cyfle Cyfartal wedi'i chwblhau i Marcus Lewis, Uwch Reolwr - Blaen Tŷ a Gweithrediadau, Cwmni Theatr y Torch Cyf, Heol San Pedr, Aberdaugleddau SA73 2BU neu e-bostiwch: marcus@torchtheatre.co.uk.
Marciwch eich e-bost: Cyfrinachol – Cais Cynorthwyydd Caffi Achlysurol
Ceir rhagor o fanylion am y swydd a'r ffurflen monitro Cyfle Cyfartal isod.
Mae hon yn ymgyrch recriwtio gyffredinol barhaus a chaiff ceisiadau eu hystyried yn unigol ar ôl derbyn CV a llythyr eglurhaol.
❉ Please note that Welsh language versions of the forms are available, please click on the Welsh flag in the top right-hand corner to access these.
CYLCHLYTHYR THEATR TORCH
Dewch i'r Sbotolau!
Eisiau bod y cyntaf i glywed am berfformiadau sydd ar ddod, cynigion tocynnau unigryw a'r hyn sy'n digwydd y tu ôl i'r llenni yn Theatr y Torch? Tanysgrifiwch i'n cylchlythyr a gadewch i'r ddrama ddod atoch chi.