Cenhadaeth a Gwerthoedd

Ein Gweledigaeth

Ein gweledigaeth yw bod yn esiampl o greadigrwydd i'r celfyddydau perfformio yng ngorllewin Cymru, ac ysbrydoli artistiaid, diddanu cynulleidfaoedd a chysylltu cymunedau.

Ein Cenhadaeth

Wrth wraidd popeth a wnawn mae ein cynulleidfa. Ein nod yw cyflawni gwaith sydd nid yn unig yn bodloni disgwyliadau ond sy'n eu rhagori'n barhaus.

Mae ein cenhadaeth yn syml: Creu profiadau o ansawdd uchel sy'n cysylltu ar draws cymunedau mewn modd cynaliadwy.

Creu - Rydym yn creu ac yn curadu cynyrchiadau theatr, profiadau cyfranogi a digwyddiadau o ansawdd uchel i ysbrydoli, diddanu, swyno a herio.

Cysylltu - Rydym yn cysylltu sefydliadau celfyddydol, cymunedau, sefydliadau addysgol a busnesau er budd pawb.

Cynnal - Bydd popeth a wnawn yn cael ei ategu gan ein hymgais am gynaliadwyedd ariannol ac amgylcheddol, gan ddiogelu dyfodol Sir Benfro, Cymru a'r byd ehangach.

Fel theatr gynhyrchu flaenllaw gorllewin Cymru, rydym yn creu ac yn cyflwyno gwaith nodedig, perthnasol a hygyrch sy'n siarad â'n cymuned. Ein drama a gynhyrchir gartref yw calon y Torch, sy’n diffinio ein hunaniaeth ac yn ysgogi ein llwyddiant.

Ein nod yw bod yn rym creadigol yng Nghymru; theatr sy'n dod â phobl ynghyd trwy adrodd straeon beiddgar, cyflwyno perfformiadau cyffrous, a phrofiadau ar y cyd. Mae Theatr Torch yn cynnig rhaglen waith fywiog, gyda rhywbeth i bawb, ac addewid i adael pobl wedi'u hysbrydoli a'u cysylltu.

Y tu hwnt i'r llwyfan, mae ein rhaglenni addysg, allgymorth a gwirfoddol yn hyrwyddo creadigrwydd a chynhwysiant, ac yn hyrwyddo'r celfyddydau'n weithredol ledled Sir Benfro, Cymru, a thu hwnt. Ein nod yw trosglwyddo fflam y Torch, ac ysbrydoli'r genhedlaeth nesaf o artistiaid a chynulleidfaoedd. Boed yn blentyn sy'n darganfod cyffro perfformio am y tro cyntaf, person ifanc yn dod o hyd i'w lais, neu wirfoddolwr sy'n teimlo'n rhan o rywbeth mwy, rydym yn gobeithio sbarduno angerdd gydol oes am y celfyddydau ym mhob un unigolyn yr ydym yn ei gyrraedd.

Ein gwerthoedd craidd yw:

Gorllewin yw'r Gorau – Ein cartref yn Aberdaugleddau yw dechrau'r daith, rydym yn falch o ble rydym wedi'n lleoli, ac rydym yn anrhydeddu ieithoedd, diwylliannau a phobl gorllewin Cymru. 

Croeso/Welcome - rydym yn ymdrechu i wneud ein gweithgareddau a'n hadeiladau yn hygyrch ac yn groesawgar i bawb sy'n dymuno cymryd rhan. Rydym yn dathlu'r safbwyntiau a'r sgiliau unigryw y mae pob person yn eu dwyn gyda nhw. 

Chwarae Teg/Fair play – Ein nod yw bod yn deg ym mhopeth a wnawn, gan gynnwys arferion gwrth-hiliol, gwrth-ableddol a chynhwysol ochr yn ochr â chyflog ac amodau gwaith teg, a gwneud penderfyniadau tryloyw.