Bob blwyddyn, rydym yn gweithio gydag oddeutu 2000 o ddysgwyr o bob cwr o orllewin Cymru, ac yn creu eiliadau dysgu pwrpasol a phrofiadau unigryw a fydd yn para oes. Rydym yn gweithio gyda sefydliadau Addysg Gynradd, Uwchradd, Bellach ac Uwch gan deilwra ein cynnwys i helpu i feithrin sgiliau a hyder dysgwyr trwy weithgarwch creadigol, corfforol ac addysgol cyffrous.

Ein nod yw cydweithio ag athrawon i greu gweithgarwch gwerth chweil sy'n cefnogi amrywiaeth o feysydd dysgu a phrofiad. Rydym yn annog twf dychymyg pobl ifanc, ac yn datblygu dulliau ar gyfer meddwl yn feirniadol a gwaith tîm, a hynny i gyd wrth sicrhau bod pobl ifanc yn teimlo'n hyderus wrth ddysgu sgiliau newydd.

Mae rhai o'n gweithgareddau rheolaidd yn cynnwys:

• Gweithdy
• Hyfforddiant Athrawon AM DDIM bob tymor
• Llyfrynnau Adnoddau ar gyfer ein cynyrchiadau Theatr y Torch

Er bod gennym amrywiaeth o syniadau gweithdai ar gael i chi, rydym hefyd yn gallu gweithio gyda chi i greu gweithdai personol sydd wedi'u cynllunio i ategu eich addysgu a'ch meysydd pwnc.

Hoffem eich croesawu chi a'ch myfyrwyr i'r Torch am brofiad dysgu unigryw.

“Rwyf mor falch o’r daith greadigol y mae ein myfyrwyr wedi bod arni. Dros dymor yr Hydref, roeddent wedi plymio i ysgrifennu sgriptiau a chreu propiau, a meithrin sgiliau allweddol mewn llythrennedd, dylunio a chydweithio. Ysbrydolodd gweithio gyda gweithwyr proffesiynol creadigol hwy ac agorodd eu llygaid i bosibiliadau’r theatr.” - Rhian Johnson, Arweinydd Celfyddydau Mynegiannol yn Ysgol Gynradd Gymunedol Aberdaugleddau."

Rydym hefyd yn croesawu myfyrwyr ar leoliadau gwaith drwy gydol y flwyddyn ac yn gweithio gydag ysgolion uwchradd ledled Sir Benfro, Prifysgol De Cymru, Prifysgol y Drindod Dewi Sant (Caerfyrddin) a Choleg Brenhinol Cerdd a Drama Cymru.