CYMUNEDOL
Mae Theatr y Torch mewn safle gwych yn edrych dros yr harbwr yng nghanol hen dref bysgota Aberdaugleddau, Sir Benfro. Rydym yn un o ddim ond tair theatr gynhyrchu wedi ei seilio mewn adeilad yng Nghymru. Golyga hyn bod unrhyw gynyrchiadau Theatr y Torch a welwch (fel ein pantomeim blynyddol ysblennydd) yn cael eu gwneud yma, yn ein hadeilad, o'r newydd. Mae popeth - o ysgrifennu'r sgriptiau, i adeiladu'r set, a chreu’r gwisgoedd yn digwydd yma ar garreg eich drws - a gallwch chi fod yn rhan o hynny!
Rydym yn hynod falch o fod yn rhan o’n cymuned ac mae logo’r Torch nid yn unig yn nod i’r diwydiant olew a nwy o amgylch ein tref, ond hefyd yn dathlu hanes diwydiannol cryf Aberdaugleddau a’r ardal gyfagos.
Mae ein gweithgaredd amrywiol yn cynnig ystod o gyfleoedd i ymwneud â’r celfyddydau, nid yn unig fel aelod o’r gynulleidfa yn un o’n dau awditoriwm ond hefyd fesul y rhaglenni canlynol:
Ein Theatr Ieuenctid Torch clodwiw,
Lleisiau’r Torch (ein côr cymunedol mewnol),
Grwpiau Mamau a Babanod,
Fy Symudiadau (grŵp symud anabledd mewn cydweithrediad â Phobl yn Gyntaf Sir Benfro),
Ffilmiau ac Atgofion (Dangosiadau Ffilm Cyfeillgar i Ddementia)
Côr y Crud (Côr Dementia Opera Cenedlaethol Cymru),
Gwirfoddolwyr Blaen Tŷ.
Nid yw ein gweithgaredd yn gyfyngedig i'r digwyddiadau hyn. Rydym hefyd yn cynnig gweithdai, teithiau cefn llwyfan, a lleoliadau gwaith. Rydym yn awyddus i weithio gyda grwpiau lleol i'ch helpu i wneud y gorau o gael un o dai cynhyrchu amlycaf Cymru ar garreg eich drws.
Credwn y gall pawb ddod o hyd i le yma yn y Torch, ac rydym yn ymwybodol nad ydym efallai yn darparu hynny ar eich cyfer eto. Rydym bob amser yn edrych i ehangu ein gwybodaeth a’n dealltwriaeth o bopeth sy’n digwydd yn ein tref, ein sir ac ar draws Gorllewin Cymru, a’r ffordd orau y gallwn gefnogi pob antur artistig.
Am fwy o wybodaeth, i ddechrau ar eich taith greadigol, neu i drefnu sgwrs dros baned, cysylltwch â’n Uwch Reolwr Ieuenctid a Chymuned, Tim Howe – e-bost tim@torchtheatre.co.uk neu ffoniwch 01646 694192.
TORCH THEATRE NEWSLETTER
Get in the Spotlight!
Want to be the first to hear about upcoming performances, exclusive ticket offers, and behind-the-scenes action at the Torch Theatre? Subscribe to our newsletter and let the drama come to you.