TELERAU AC AMODAU

Telerau ac Amodau ar gyfer Tocynnau

Gellir cyfnewid tocynnau am berfformiad neu ddangosiad arall gyda rhybudd o 24 awr, yn amodol ar argaeledd a thalu unrhyw gynnydd mewn pris. Codir tâl gwasanaeth o £1 y tocyn, wedi'i gapio ar £5. Ni ellir ad-dalu’r arian.

Dim ond os bydd perfformiadau wedi gwerthu allan y gellir ailwerthu. Ni allwn warantu ailwerthu a rhaid i'r tocynnau fod yn ein meddiant o leiaf awr cyn dechrau'r perfformiad. Codir tâl gwasanaeth.

Mae pob archeb, boed ar-lein, wyneb yn wyneb neu dros y ffôn, yn destun ffi archebu na ellir ei had-dalu o 10% o swm y trafodiad. Mae'r ffi hon wedi'i chapio ar £2.

Ni chaniateir camerâu, camerâu fideo a mathau eraill o offer recordio yn yr awditoriwm.

Efallai y bydd gofyn i hwyrddyfodiaid aros am seibiant neu egwyl addas yn y perfformiad neu'r dangosiad cyn cael mynediad i'r awditoriwm.

Mae gan Reolwyr y Theatr yr hawl i newid lleoliadau ar gyfer dangosiadau neu berfformiadau ac i newid trefniadau seddi o seddi wedi'u cadw i seddi heb eu cadw heb hysbysu'r cwsmer.

Mae Theatr Torch yn cadw'r hawl i wrthod mynediad i ddeiliad y tocyn i'r safle.

* Mae codau talebau Meerkat Movie yn cael eu hadbrynu drwy ein Swyddfa Docynnau ar ddiwrnod y ffilm. Ni allwn dderbyn y codau ar-lein.

Telerau ac Amodau ar gyfer Talebau Rhodd

Gellir anfon talebau rhodd yn uniongyrchol at y derbynnydd ac maent ar gael mewn symiau o £5, £10, £15, £20, a £50. Gellir defnyddio'r talebau hyn ar gyfer dangosiadau ffilm, darllediadau, a digwyddiadau byw yn Theatr Torch.

Mae talebau rhodd corfforol hefyd ar gael ar gais. Am symiau talebau pwrpasol, cysylltwch â'n Swyddfa Docynnau dros y ffôn neu drwy e-bost yn boxoffice@torchtheatre.co.uk, a bydd ein tîm yn falch o gynorthwyo.

Adbrynu

Dim ond ar gyfer prynu tocynnau a wneir drwy ein Swyddfa Docynnau neu drwy ein gwefan swyddogol y gellir defnyddio talebau rhodd. Gellir defnyddio talebau ar-lein, wyneb yn wyneb, neu dros y ffôn drwy ddarparu'r rhif taleb unigryw a ddangosir ar y daleb.

Sylwch na all ein systemau ciosg a bar newydd dderbyn Cardiau Top Up plastig fel dull talu mwyach. Dim ond ar gyfer prynu tocynnau neu gynhyrchion a wneir ar-lein neu drwy ein Swyddfa Docynnau y gellir defnyddio Credyd Top Up sydd wedi'i drosglwyddo i'ch cyfrif.

Cyfnod Dilysrwydd

Mae pob taleb rhodd a brynwyd o 1 Ebrill yn ddilys am gyfnod o 2 flynedd / pedwar ar hugain (24) mis o ddyddiad prynu’r taleb. Bydd unrhyw daleb na chaiff ei hadbrynu o fewn y cyfnod hwn yn dod i ben ac ni fydd yn gymwys i'w defnyddio mwyach.

Ad-daliadau a Chyfnewidiadau

Ni ellir ad-dalu talebau rhodd ac ni ellir eu cyfnewid am arian parod, naill ai'n gyfan gwbl neu'n rhannol.