Fis Mehefin eleni, bydd cariadon bale Theatr Torch yn cael eu swyno gan olwg ffres Ballet Cymru ar y stori dylwyth teg glasurol Sleeping Beauty - stori gyfarwydd, ddi-amser am dywysoges ifanc sy'n cael ei swyno gan felltith lle mae da yn erbyn drwg.

Gan gyffwrdd â themâu cariad, cael eich derbyn a’r hyn y mae’n ei olygu i fod yn wahanol, mae'r bale yn cael ei ysgubo ymlaen gan sgôr eiconig Tchaikovsky. Gyda choreograffi arloesol, dawnsio eithriadol, gwisgoedd nodedig a thafluniadau trochol, ni fydd aelodau'r gynulleidfa'n cael eu siomi.

Dewch i mewn i’r goedwig, i ddathlu pen-blwydd Ballet Cymru yn 40 oed a gweld y dawnswyr anhygoel yn eich tywys ar daith hen ei thebyg. Yn cynnwys disgrifiad sain wedi'i recordio ymlaen llaw yn y Gymraeg a'r Saesneg.

“Rydym oll yn gyfarwydd â stori Sleeping Beauty lle mae’r dywysoges ifanc yn syrthio i gwsg hudolus dim ond i gael ei deffro gan gusan cariad gwir. Gyda Ballet Cymru yn dathlu ei phen-blwydd arbennig, allwn ni ddim aros i’w gwahodd nhw a chi i’r Torch i fod yn rhan o’u carreg filltir a’u dathliad anhygoel,” meddai Anwen Francis o Dîm Marchnata Theatr Torch.

Gellir gweld Sleeping Beauty gan Ballet Cymru ar lwyfan Theatr Torch ddydd Mercher 3 Mehefin am 7.30pm. Pris: £19 / £18 Gostyngiadau / £11. Dan 8 oed. Archebwch docynnau drwy'r wefan torchtheatre.co.uk / Swyddfa Docynnau: 01646 695267 neu gliciwch yma.