Chwyldro A Wnaeth Siglo'r Byd

Yn dilyn rhediad hynod lwyddiannus yng Nghaerdydd yn 2023, mae drama Theatr y Sherman a Hijinx o Housemates yn dod i Theatr Torch fis Ebrill eleni. Fe wnaeth ail-adroddiad Tim Green o stori ryfeddol a ddigwyddodd ychydig fetrau o ddrysau Theatr y Sherman yng Nghaerdydd gipio calonnau cynulleidfaoedd ac ennill canmoliaeth mawr iawn gan feirniaid ar adeg ei llwyfannu. Dyma stori am ffrindiau a ddechreuodd chwyldro a oedd yn nodi dechrau diwedd gofal sefydliadol a chreu cartref byw â chymorth cyntaf y DU.

Dechreuodd pan ddaeth Alan, dyn ifanc a aned â syndrom Down, i mewn i fywyd Jim, myfyriwr o Brifysgol Caerdydd. Roedd Alan wedi byw fel preswylydd yn Ysbyty Trelái ers ei blentyndod; y cyfan yr oedd ei eisiau oedd byw mewn tŷ a bod mewn band. Roedd Jim eisiau gwneud gwahaniaeth yn y byd, ond nid oedd yn gwybod sut. Ar y cyd â'u ffrindiau, fe wnaethon nhw gychwyn ar arbrawf a drawsnewidiodd sut roedd pethau'n cael eu gwneud, sut roedd pobl yn cael eu trin a phwy oedd yn cael dweud wrthych sut i fyw.

Daw’r awdur Tim Green, Theatr y Sherman a Hijinx at ei gilydd i adrodd y stori wir ryfeddol hon a byddant yn teithio i dri lleoliad yma yng Nghymru gyda thri pherfformiad yn Theatr Torch. Teimlwch y wefr gyda’r noson allan gyffrous hon sy’n llawn caneuon poblogaidd o’r 70au ac sy’n cael eu chwarae’n fyw a’u perfformio gan gast o actor-gerddorion niwrowahanol a niwro-nodweddiadol yn cynnwys aelodau o Academi Hijinx. Mae’r noson tapio troed a thwymgalon sy’n agoriad llygad a wedi ei chyfarwyddo gan Ben Pettitt-Wade a Joe Murphy, yn un na ddylid ei cholli.

Gyda chefnogaeth cyllid gan Gyngor Celfyddydau Cymru, mae Housemates wedi derbyn adolygiadau gwych a dyfarnwyd pum seren iddi gan The Stage a’i disgrifiodd fel “Cynhyrchiad sy’n pelydru cynhesrwydd, ffraethineb a dynoliaeth.”

Mae Housemates yn cynnwys sŵn uchel, iaith gref a themâu oedolion.

Mae tocynnau ar gyfer Housemates yn Theatr Torch o nos Fercher 2 Ebrill tan nos Wener 4 Ebrill am 7pm ar werth nawr am £22 / Consesiynau: £20 / £15 i’r rheiny o Dan 26. Gellir eu prynu yn Swyddfa Docynnau Theatr Torch ar 01646 695267 neu gliciwch yma.