Cymerodd nifer o staff ac aelodau Theatr Ieuenctid y Torch ran yng Ngharnifal blynyddol Aberdaugleddau dros y penwythnos – ac fe gawson nhw hwyl! Wedi gwisgo fel cymeriadau o gynhyrchiad haf Theatr Ieuenctid y Torch o The Bangers and Chips Explosion a fydd yn cael ei harddangos ar ein llwyfan ym mis Gorffennaf, hyrwyddodd y Torch eu sioeau sydd ar ddod yn ogystal â’r gyfres Sinema Machlud Haul.

“Roedd hi’n hollol wych cael bod allan yng Ngharnifal Tref Aberdaugleddau! Roedd hi’n grêt gweld cymaint o wynebau cyfeillgar. Gwelsom gynifer ohonoch chi sydd wedi ymuno â ni ar gyfer gweithgareddau, wedi mynd i weld ffilm, neu wedi mwynhau sioe fyw dros y flwyddyn ddiwethaf. A gwnaethom griw o ffrindiau newydd hefyd, wrth ruthro drwy’r dorf yn dosbarthu sticeri a thaflenni!” meddai Tim Howe, Uwch Reolwr Ieuenctid a Chymuned y Torch.

Ychwanegodd: “A dweud y gwir, y peth gorau am fod yn theatr, sinema, a chanolfan gelfyddydau yma yng nghanol Aberdaugleddau yw teimlo faint mae ein cymuned yn caru’r hyn rydyn ni’n ei wneud. Byddem ni wedi hoffi sgwrsio â phawb a welsom, ond doedd hynny ddim yn bosib. Peidiwch â phoeni – rydyn ni’n gwybod y byddwn ni’n dal i fyny â llwyth ohonoch chi’n fuan yn ein hysgolion haf, cynyrchiadau, neu drwy un o’n prosiectau cymunedol anhygoel. Allwn ni ddim aros i’ch gweld chi bryd hynny!”