Mae Oriel Joanna Field yn Theatr Torch yn falch o gyflwyno ei harddangosfa gelf fis Tachwedd, lle bydd disgyblion o Ysgol Aberdaugleddau yn arddangos eu gwaith – dyma eu 12fed arddangosfa Celf a Dylunio TGAU yn y Theatr.

Eleni, bydd 35 o ddisgyblion yn arddangos y gwaith a gyflwynon nhw yr haf hwn ar gyfer eu TGAU yn 2026. Mae'r arddangosfa'n cynnwys paentiadau, darluniau a cherfluniau sy'n defnyddio amrywiaeth o gyfryngau a deunyddiau; ac fel mae Katie George, Technegydd Celf yr ysgol, yn egluro, mae'n un o uchafbwyntiau'r flwyddyn i'r disgyblion, yr Adran Gelf a'r ysgol.

"Dros y blynyddoedd, mae’r arddangosfa wedi profi i fod yn gyfle cyffrous iawn ac yn un hynod gadarnhaol i’r disgyblion a’r ysgol. Rydym yn edrych ymlaen bob hydref i arddangos eu gwaith i gymuned Aberdaugleddau a thu hwnt – diolch i Theatr Torch a Tesco am eu cefnogaeth barhaus."

Wrth gloi, meddai Katie: “Mae’r arddangosfa yn ddathliad gwych o waith caled, creadigrwydd a brwdfrydedd gan ddisgyblion a staff Ysgol Aberdaugleddau, ac mae’n cynnig cyfle delfrydol i hyrwyddo eu gwaith a’i arddangos i’r gymuned leol.”

Mae'r sioe yn rhedeg o ddydd Iau 5 Tachwedd i ddydd Iau 19 Tachwedd, ac mae'r oriau agor yr un fath ag oriau Swyddfa Docynnau Theatr Torch. Ffoniwch y Swyddfa Docynnau ar 01646 695267 neu ewch i torchtheatre.co.uk.