Bydd Tony Christie (a adnabyddir fel arall fel Anthony Fitzgerald), yn dilyn gyrfa ddisglair sydd wedi ymestyn dros 60 mlynedd ac sy'n dal i fynd yn gryf, yn ymddangos ar lwyfan Theatr Torch ddydd Iau 25 Mehefin gyda'i sioe – Tony Christie - The Great Farewell.

Ganwyd yn Swydd Efrog ym 1943, a dechreuodd ei fywyd cerddorol yn 17 oed (1960) mewn deuawd o'r enw'r 'Grant Brothers' a hyd at 1969 dim ond arwain bandiau ydoedd. Ym 1969 arwyddodd gytundeb gyda MCA Records ac yna daeth ei ganeuon llwyddiannus fel 'Amarillo' ac 'I did what I did for Maria' a llawer mwy.

Roedd y 70au yn gyfnod mawr iawn i Tony gyda dros 10 miliwn o recordiau'n cael eu gwerthu. Roedd yr 80au yn gyfnod arafach oherwydd y newid mewn chwaeth gerddorol y genedl, ond dyfarnwyd y wobr 'Die Golden Europa' iddo gan radio'r Almaen am ei berfformiadau gwych.

Arweiniodd y 90au at ragor o ganeuon llwyddiannus fel y gân 'Sweet September' a'r gân gan Jarvis Cocker, 'Walk like a Panther'.

Yna daeth yr alwad ffôn a ddaeth â Tony i fod yn un o'r artistiaid mwyaf sy'n parhau i fynd heddiw. Daeth Peter Kay â Tony at Genhedlaeth newydd sbon o ieuenctid gyda'r gân '(Is this the way to) Amarillo' ac 'Avenues and Allyways' oddi ar Phoenix Nights.

Mae Tony yn dal i fynd yn gryf ac fe gafodd ei hun mewn ysbryd pêl-droed gyda '(Is this the way to) The World Cup'.

Ef yw brenin cerddoriaeth Prydain ac mae'n fwyaf tebygol mai ef yw'r artist unigol gorau i ddod allan o'r wlad erioed. Mae'n ffitio i mewn i lawer o gategorïau o gerddoriaeth: Gwlad; Gwerin; Gwrando Hawdd a hyd yn oed rhywfaint o gerddoriaeth glasurol (So deep is the Night). Ond nawr mae'n ffitio'n gadarn i gerddoriaeth bop gan ei fod bellach yn un o'r artistiaid unigol mwyaf poblogaidd a llwyddiannus a fu.

Pecynnau VIP:

Dim ond 25 lle VIP sydd ar gael. Mae hyn yn cynnwys y seddi gorau, mynediad i brawf sain Tony rhwng 4.15pm a 5pm, sesiwn cyfarfod a chyfarch gyda Tony a'i wraig Sue o 5pm, a bag anrhegion sy'n cynnwys CD wedi'i lofnodi'n bersonol a llun 10x8.

Gellir gweld Tony Christie – The Great Farewell ar lwyfan Theatr Torch ddydd Iau 25 Mehefin am 7.30pm. Prisiau tocynnau: Pris: £30.00 | £80.00 VIP. Archebwch docynnau drwy'r wefan torchtheatre.co.uk / Swyddfa Docynnau: 01646 695267 neu gliciwch yma.