Gyda'r Dywysoges Rosalina wedi'i dal, Bowser Jr. ar goll a'r Dywysoges Peach ar ei hachub, mae Mario, Luigi a'u ffrind newydd Yoshi yn rasio ar draws y galaeth i geisio atal cynlluniau drwg sydd gan etifedd bach Bowser ar y gweill.

Roedd Mario Galaxy yn gêm boblogaidd iawn yn y gyfres Super Mario lle mae Mario a'i Ffrindiau'n mentro ar draws y cosmos i gyrraedd y Dywysoges Peach. Mae'r gêm yn gorffen gyda phlaned yn cwympo arni ei hun gan droi'n dwll du ac yn dinistrio popeth. Dyna'r gêm. Roeddwn i'n chwilfrydig iawn ynghylch sut y byddent yn cyfieithu gêm mor annwyl i'r gyfres ffilm. A fyddai'r ffilm yn gorffen gyda thwll du? Doedd gen i ddim syniad. Felly es i i'r theatr yn chwilfrydig iawn i weld beth fydda’ir canlyniad. Dw i ddim am ddatgelu gormod ond rwy'n credu bod y ffilm yn ddilyniant da i'r gwreiddiol. Er bod rhai pobl yn credu bod y stori'n brin o ran elfennau o’r gorffennol, rwy'n credu eu bod wedi gwneud gwaith da heb wneud iddi deimlo fel ailadroddiad o’r stori "o na, fe wnaethon nhw gipio'r dywysoges". Mae'r delweddau'n brydferth ac rwy'n argymell yn gryf eu gweld yn y sinema. Gwnaeth yr animeiddwyr ragori arnyn nhw eu hunain gydag arddull gelf sy'n barhaus â'r ffilm flaenorol ond sydd hefyd yn defnyddio'r cyfleoedd gwych sy'n dod gyda gofod ym mydysawd Mario. Rwyf hefyd yn credu bod cyflwyniad Rosalina yn eithaf da, fy unig broblem yw ar gyfer cymeriad newydd ac ymddangosiadol bwerus, ychydig y mae hi’n ymddangos yn y ffilm a byddwn wedi hoffi gweld rhagor ohoni.

Roedd yr ymladd yn y ffilm yn anhygoel. Mae'r olygfa gyntaf a welwn gyda Rosalina yn dangos ei bod hi'n ymladd ac mae'r coreograffi'n anhygoel, ac yn dangos ei phwerau'n berffaith a pham ei bod hi'n fygythiad ac yn ased. Mae'n rhoi gwybod i ni nad yw'r Dywysoges Rosalina yn ddi-hid a pham mae Bowser Jr. ar ei hôl. Heb ddweud nad oes gan y cymeriadau eraill dalentau ymladd anhygoel, mae gan Mario a Luigi goreograffi anhygoel hefyd ac mae'n fy synnu'n fawr bod ffilm fel y ffilm Mario wedi mynd allan o'i ffordd i wneud golygfeydd ymladd anhygoel fel hyn. Mae'r hiwmor wedi'i amseru'n berffaith ac yn gweddu i'r cymeriadau a does dim byd yn teimlo'n rhy frysiog. Does dim jôcs sy'n teimlo allan o le ac maen nhw i gyd yn ddoniol mewn gwirionedd, ac yn gwneud i mi chwerthin mewn sinemâu sawl tro.

Ar y cyfan, mae'n gomedi deuluol wych sy'n arbennigi blant ac yn ddilyniant da iawn i'r ffilm Super Mario gyntaf. Rwy'n argymell eich bod yn mynd i'w gweld yn y sinema oherwydd y delweddau anhygoel y mae angen i chi eu gweld ar y sgrin fawr i'w gwerthfawrogi'n llawn.