Wedi’i disgrifio fel “ateb barddoniaeth i Mark Thomas” gan y Chortle ac yn “heriol, ysbrydoledig a difyr” gan The Ecologist, gellir gweld y stori wir ffres a grymusol hon, ‘Romantics, Mystics and Revolutionaries’, ar lwyfan Theatr Torch fis Tachwedd hwn.

Roedd y mudiad Rhamantaidd yn weithred o wrthryfel yn erbyn diwydiant a mecaneiddio'r enaid. Beth mae eu breuddwydion am adnewyddiad yn ei gynnig i'n hoes ni o anobaith? Dyma stori am derfysg, gwrthwynebiad i gaethwasiaeth, cyfriniaeth a sylweddau seicedelig; stori a adroddir trwy fywydau dau fardd anghydffurfiol – Samuel Taylor Coleridge a William Wordsworth.

Yn gymysgedd o sioe lwyfan adrodd straeon a darlith berfformio, mae Pete (the Temp) Bearder yn cyflwyno taith sy'n cyfuno cerddoriaeth, comedi a barddoniaeth mewn cyfuniad cyffrous o ysgolheictod ac adloniant byw.

Mae Pete yn fardd llafar, yn awdur ac yn ddigrifwr gwobrwyedig, ac mae ei waith wedi cael sylw ar BBC Radio 4, Newsnight a'r World Service. Mae'n gyn-bencampwr 'Poetry Slam' Hammer & Tongue yn y DU ac wedi perfformio mewn mwy na phymtheg gwlad gyda sefydliadau sy'n cynnwys y British Council. Cafodd ei sioe lwyfan ddiwethaf, Homer to Hip Hop, ei pherfformio dros drigain gwaith ledled y DU.

Gellir gweld Romantics, Mystics and Revolutionaries yn Theatr Torch ddydd Mercher 11 Tachwedd am 7.30pm. Ar gyfer: 16+. Disgwyliwch barch, gwrthiant a hudoliaeth o gyfnod o gaethwasiaeth a rhyfel. Pris tocynnau: £12.50 | £9 (pris gostyngol). Ffoniwch y Swyddfa Docynnau ar 01646 695267 / ewch i torchtheatre.co.uk neu gliciwch yma.