Strike: An Uncivil War yn Sinema’r Torch

Fe’i disgrifiwyd gan y Guardian fel “gwrthdaro creulon ar linellau streic piced y glowyr.” Strike: An Uncivil War yw rhaglen ddogfen nodwedd Daniel Gordon sy’n adrodd hanes Brwydr Orgreave. Hwn oedd y gwrthdaro mwyaf treisgar rhwng y Glowyr a’r Heddlu yn ystod Streic y Glowyr 1984/85 ym Mhrydain Fawr a gellir ei weld yn Sinema Theatr Torch, ddydd Mercher 3 Gorffennaf.

Y Streic a barodd am flwyddyn gyfan oedd yr anghydfod diwydiannol mwyaf treisgar a welodd Prydain erioed, a chan ddefnyddio tystiolaeth bersonol bwerus, dogfennau’r llywodraeth a oedd yn gudd yn flaenorol a thrysor o ddeunydd archif nas gwelwyd o’r blaen, mae Strike: An Uncivil War yn dilyn y digwyddiadau yn Orgreave, a gynhaliwyd ar 18 Mehefin 1984.

Dewch i’w gweld â’ch llygaid eich hun. Clywch am y straeon ac atgofion y bobl ar y rheng flaen anhygoel hon mewn amser. Holltodd cymunedau a’r genedl, ac mae’r chrychdonnau’n parhau i atseinio hyd heddiw.

Gan roi pedair seren i’r rhaglen ddogfen yr wythnos hon, daeth y Guardian i’r casgliad ei bod yn rhaglen werthfawr.

“Mae’n un o’r eiliadau casaf, hyllaf yn hanes Prydain ar ôl y rhyfel. Ers 1985, mae’r ddadl am danwydd ffosil wedi newid, wrth gwrs. Ond mae’n syfrdanol o hyd bod llywodraeth wedi cynllunio cau pyllau glo yn gyfan gwbl heb feddwl am, a chymryd dim diddordeb yn yr hyn a fyddai’n digwydd i’r cymunedau yr effeithiwyd arnyn nhw.”

Bydd Strike: An Uncivil War (15) yn cael ei sgrinio yn Theatr Torch ar ddydd Mercher 3 Gorffennaf am 5.15pm. Pris tocyn: Safonol: £7.50. Consesiwn: £7.00. O dan 16: £6.00. I archebu eich tocynnau neu am fwy o wybodaeth, cysylltwch gyda’r Swyddfa Docynnau ar 01646 695267 neu cliciwch yma.