Bydd Holly Mayhew o Neyland yn dangos ei gwallt euraid ym mhantomeim Nadoligaidd eleni wrth iddi chwarae rhan Rapunzel yn Theatr Torch. Dechreuodd ei gyrfa actio yma yn y Torch ac mae hi'n edrych ymlaen yn arw at weld aelodau'r gynulleidfa yn ei chefnogi ...

Helo bawb! Mae'n bleser mawr bod yn ôl yma yn Theatr Torch ar gyfer Rapunzel fis Rhagfyr.

Theatr Torch yw’r man ble dechreuodd y cyfan i mi mewn gwirionedd, o fod yn rhan o'u Theatr Ieuenctid drwy gydol fy arddegau, dan arweiniad y gwych Chloe a Jonny bryd hynny, a dod i weld nifer o sioeau a phantomeimiau yma drwy gydol fy mhlentyndod nes i mi symud i ffwrdd i astudio yn Drama Studio London.

Heb y Torch a’r hud a rodd ysbrydoliaeth i mi o oedran cynnar, dydw i ddim yn meddwl y byddai actio wedi bod 'yr hyn roeddwn i eisiau ei wneud pan yr oeddwn yn oedolyn'. Yn Sir Benfro, rydym mor ffodus o gael Theatr Torch - mae'n llawn gofodau gwirioneddol gwych gyda rhywbeth yn digwydd drwy’r amser ble mae modd cymryd rhan neu weld rhywbeth.

Mae Chelsey fel Cyfarwyddwr Artistig a'r holl dîm yma wedi creu amgylchedd croesawgar a hygyrch ar gyfer pob math o bobl greadigol.

I mi, mae actio wedi bod yn ymwneud â chwarae. Rhoddodd allfa greadigol i mi a ffordd i fynegi fy hun pan nad oeddwn o reidrwydd yn gallu dod o hyd i ffordd arall o wneud hynny. Mae bob amser wedi caniatáu i mi fod y fersiwn fwyaf dilys ohonof fy hun, sy'n swnio'n eironig mewn swydd lle rydych chi fel arfer yn esgus bod yn rhywun arall. Mae'n yrfa lle na allwch chi byth roi'r gorau i ddysgu, does dim diwrnod, ymarfer na sioe yr un fath, ac mae’n eich cadw chi bob amser ar flaenau eich traed ac yn bresennol yn yr amser a'r lle hwnnw gyda'r bobl o'ch cwmpas, ac am ystafell anhygoel o actorion a phobl greadigol, rydw i wedi bod yn ffodus i rannu'r broses hon gyda nhw a dysgu ohoni. Mae'r ffaith mai dyma fy ail swydd actio ers graddio yn creu cylch llawn i gychwyn fy ngyrfa.

Rwy'n teimlo'n hynod lwcus i fod yn ôl yn Theatr Torch ar gyfer y tymor panto hwn yn chwarae rhan Rapunzel. Rwy'n gobeithio gweld llawer o'ch wynebau cyfarwydd yn y gynulleidfa yn dwrdio’r dynion drwg ac yn bwysicaf oll yn bloeddio ac yn canu gyda'r criw.