Rydym yn dechrau cyfri’r diwrnodau cyn i Bantomeim Nadolig Rapunzel Theatr Torch ddechrau. Ac er y gallai rhai ddweud ei bod hi’n rhy gynnar i siarad am y Nadolig (o na, dyw hi ddim), mae’r tîm creadigol y tu ôl i’r cynhyrchiad eleni eisoes wedi dechrau paratoadau ar gyfer y pantomeim Nadolig hynod ddoniol (o ydy, maen nhw wedi!).

Mae pantomeim eleni yn arddangos amrywiaeth eang o dalent broffesiynol a lleol, ar y llwyfan a thu ôl i'r llen goch. Gan arwain hud y panto y tu ôl i'r llenni, mae'r tîm creadigol yn dod â chyfoeth o brofiad a chreadigrwydd ynghyd i ddod â'r stori hon yn fyw ar ein llwyfan.

Mae'r cyfarwyddwr arobryn a chyfarwyddwr artistig presennol Theatr Torch, Chelsey Gillard, yn ôl yn ysgrifennu ac yn cyfarwyddo ei thrydydd Pantomeim yn Theatr Torch, ar ôl i'w phantomeim cyntaf Beauty and the Beast dorri record. Cyn ei hamser yn y Torch, roedd Chelsey yn gweithio fel Cyfarwyddwr Cyswllt Ymddiriedolaeth Carne yn Theatr Stephen Joseph. Dywedodd Chelsey: “Mae'n bantomeim na ddylid ei golli! Rydym yn edrych ymlaen yn eiddgar at lawer o chwerthin hollti bol y Nadolig hwn!”

James Williams, cyfansoddwr, awdur a chyfarwyddwr sy'n byw yn Sir Benfro, sy'n darparu'r gerddoriaeth a'r geiriau ar gyfer hwyl y canu'r Nadolig hwn. Ei sioe gyntaf yn y Torch oedd Christmas Cat and the Pudding Pirates ym 1998, ac ers hynny mae wedi dod yn rhan hanfodol o bantomeimiau Theatr Torch, ar ôl cyfansoddi'r holl sioeau Nadolig ers hynny. Mae James wedi gweithio i sawl cwmni gan gynnwys NTW, WNO, a Hijinx.

Sarah Benbow yw’r Cyfarwyddwr Cerdd eleni. Wedi gweithio i Wasanaeth Cerdd Sir Benfro am dros 27 mlynedd, mae Sarah yn adnabyddus am ei phresenoldeb cerdd yn Sir Benfro, Cymru a thu hwnt. Mae wedi gweithio i gorws Cymru y BBC -  The ‘Aloud’ Charity, a nifer lluosog o grwpiau operatig, cerdd a drama ar draws Cymru.

Rapunzel yw pedwerydd dyluniad Kevin Jenkins ar gyfer Theatr Torch ar ôl dylunio ar gyfer Private Lives, Beauty and the Beast a Jack and the Beanstalk yn flaenorol. Mae wedi dylunio nifer o gynyrchiadau ar gyfer Syr Alan Ayckbourn yn Theatr Stephen Joseph ac mae'n dychwelyd i Theatr Torch eleni i ddylunio byd a gwisgoedd rhyfeddol Rapunzel. Mae rhai o'i gynyrchiadau'n cynnwys Show & Tell, Constant Companions, Family Album, a The Girl Next Door.

O weithio ym maes cwpwrdd dillad sgrin yn y BBC i wneud gwisgoedd ar gyfer taith fyd-eang Madonna, Louise Sturley yw goruchwyliwr gwisgoedd panto eleni a gall nawr ychwanegu Dame Belinda Beehive at ei rhestr o enwogion rhestr-A y mae hi wedi'u gwisgo. Gweithiodd Louise gyntaf yn Theatr Torch yn 2006 ac ers hynny mae wedi datblygu gyrfa amrywiol ar draws theatr, ffilm, teledu, a digwyddiadau cerddoriaeth fyw.

Ceri James yw'r Dylunydd Goleuo a'r Rheolwr Cynhyrchu ar gyfer Rapunzel. Mae Ceri wedi dylunio goleuadau a fideo ar gyfer llawer o gynyrchiadau Theatr Torch dros y deng mlynedd diwethaf gan gynnwys Private Lives, Sleeping Beauty, Of Mice and Men a Carwyn.

Mae Freya Dare yn actores leol, coreograffydd, artist dawns/drama cymunedol yng ngorllewin Cymru ac mae'n rhedeg ei chwmni theatr plant ei hun. Mae hi'n dychwelyd i Theatr Torch, ar ôl perfformio ym mhantomi Jack and the Beanstalk y llynedd. Yn ogystal â chwarae cymeriad Zephyr y Pâl eleni, hi hefyd yw coreograffydd y sioe.

Yn cwblhau'r tîm creadigol gwych y tu ôl Rapunzel, bydd Bethan Eleri, y Cyfarwyddwr Ymladd eleni. Dros y 10 mlynedd diwethaf, mae hi wedi coreograffu golygfeydd ymladd ac agosatrwydd ar gyfer y llwyfan a'r sgrin gan gynnwys cyfrannu at goreograffi'r celfyddydau ymladd ar gyfer Enola Holmes 2. Ar ôl tyfu i fyny yn Aberdaugleddau, mae Bethan wrth ei bodd yn dychwelyd i Theatr Torch.

Bydd Rapunzel yn ymddangos ar lwyfan Theatr Torch o ddydd Sadwrn 06 Rhagfyr i ddydd Sul 28 Rhagfyr. Pris: £24.50 | £20.00 Gostyngiadau | £78.00 Perfformiad Teuluol mewn Amgylchedd Hamddenol - dydd Sadwrn 13 Rhagfyr am 2pm. Perfformiad Dehongli Iaith Arwyddion Prydain (Liz May) - dydd Mawrth 16 Rhagfyr 6pm.