Yn ystod hanner tymor mis Chwefror hwn, mae Theatr Torch yn galw ar bob cefnogwr gwyddoniaeth i alw heibio i weld sioe newydd sbon, gyffrous ac addysgiadol. Mae'n sicr o synnu a rhyfeddu pobl ifanc o bob oed o bedair oed ac i fyny, wrth i'r Sioe Exciting Science roi'r "Cyffrous" yn ôl i "Wyddoniaeth".

Gydag arbrofion llawn hwyl a ffeithiau, gwyliwch mewn syndod wrth iddyn nhw ail-greu ffrwydrad folcanig; troi sugnwr llwch yn lansiwr taflegrau neu anelu atoch chi gyda'u chwythwr mwg! Felly, safwch yn glir a pharatowch i weithredu, oherwydd mae’r sioe hon yn llawn hud, bang, pop …. a sblash! Paratowch i gael eich synnu!

Yng nghwmni Mad Mike, Dangerous Dean, Krazy Kelly a Fabulous Faye, mae'r sioe yn cyfuno arbrofion gwyddonol â theatr gydag arbrofion yn cael eu cynnal yn fyw ar y llwyfan. Dyma'r ffordd berffaith o ymgysylltu â chynulleidfa, a thanio eu diddordeb mewn gwyddoniaeth.

“Mad Mike yw dyfeisiwr y grŵp, mae’n ddefnyddiol iawn gyda rholyn o dâp gaffer a gefail, gall droi unrhyw beth yn arbrawf gwyddonol newydd. Yna mae Dangerous Dean – mae fel ein dymi prawf damwain ein hunain – os oes unrhyw beth nad yw’r gweddill ohonom yn siŵr o’i wneud....... rydyn ni’n gofyn i Dean ei wneud yn gyntaf. Krazy Kelly – peidiwch â chael eich twyllo gan y wên fawr a’r llygaid yn fflachio, mae hi’n feistr ar ddinistrio - ein harbenigwr dymchwel ein hunain (ac nid yw bob amser yn fwriadol). Ac yn olaf, mae Fabulous Faye - mae hi’n gwybod ei ffeithiau, mae hi’n gwybod ei gwyddoniaeth... mae hi jyst... wel, yn wych,” meddai Mad Mike, un o drefnwyr Exciting Science.

“Rydym wrth ein bodd yn croesawu’r sioe wyddoniaeth llawn hwyl hon i’r Torch yr hanner tymor hwn. Mae cymaint o bobl ifanc yn mwynhau gwyddoniaeth a gweld arbrofion go iawn yn datblygu. Allwn ni ddim aros i weld pa ddigwyddiadau anhygoel a chyffrous fydd yn dod i’r amlwg,” meddai Anwen Francis o dîm Marchnata’r Torch.

Bydd Exciting Science, yn ymweld â Theatr Torch ddydd Mercher 18 Chwefror am 11.30am a 2pm. Pris tocyn: £15.50. Am ragor o wybodaeth ewch i wefan Theatr Torch www.torchtheatre.co.uk / ffonwich y Swyddfa Docynnau ar (01646) 695267 neu gliciwch yma.