Mae 19eg Tymor Sinema Fyw Opera Metropolitan yn cychwyn gyda La Sonnambula, darllediad wedi'i recordio sy'n ymddangos ar sgrin sinema Theatr Torch ganol mis Hydref. Wedi'i osod yn Alpau'r Swistir gyda themâu o gariad, colled a chymod wrth ei wraidd, gall cefnogwyr opera ddisgwyl gwledd.

Yn dilyn perfformiadau buddugoliaethus Live in HD yn Roméo et Juliette gan Gounod, La Traviata gan Verdi and Lucia di Lammermoor gan Donizetti, bydd Nadine Sierra yn cyrraedd copa arall yn repertoire soprano fel Amina, sy'n cerdded ei ffordd i galonnau cynulleidfaoedd yn ei chwsg yn stori deimladwy Bellini am gariad coll a chariad a ddarganfuwyd.

Yn ymddangos ar sgrin Theatr Torch ddydd Sul 19 Hydref, mae La Sonnambula, yn gweld Rolando Villazón yn ei gynhyrchiad newydd fel y tenor sydd wedi cychwyn ar ail yrfa wych fel cyfarwyddwr. Mae'n cadw lleoliad gwreiddiol yr opera yn Alpau'r Swistir ond yn defnyddio ei plot cysglgyd i archwilio dyffrynnoedd emosiynol a seicolegol y meddwl.

Mae'r tenor Xabier Anduaga yn cyd-serennu fel dyweddi Amina, Elvino, ochr yn ochr â'r soprano Sydney Mancasola fel ei chystadleuydd, Lisa, a'r bas Alexander Vinogradov fel Cownt Rodolfo. Mae Riccardo Frizza yn mynd ar y podiwm am un o weithiau mwyaf swynol opera.

Darllediad wedi'i recordio yw hwn a gellir ei weld ar sgrin Theatr Torch, ddydd Sul 19 Hydref am 6pm. Tocynnau: £20.00 | £18.00 Consesiynau | £9.00 dan 26. Archebwch docynnau trwy'r wefan torchtheatre.co.uk / Swyddfa Docynnau: 01646 695267 neu gliciwch yma.