Beth sy’n gwneud tad gwych? Mae Martin yn meddwl ei fod yn gwybod ac yn benderfynol o rannu’r wybodaeth. Mae’r daith ddoniol-dywyll, lawn teimlad hon yn archwilio’r tadau wnaeth siapio Martin - o Darth Vader i’w arwr yn ei blentyndod, Indiana Jones, o’r Tad Cŵl i Dad y Dawnsiwr. 

Gan gynnwys ail greu ffilmiau yn fyw, dynwarediadau llai na pherffaith o Harrison Ford a gwahoddedigion annisgwyl ar y sgrin, mae’r sioe hon yn siarad â phob tad sydd erioed wedi ystyried a yw’n ddigon. Ond i Martin mae’n ymddangos bod llawer mwy yn y fantol – ai achub ei fab, neu ei achub ei hun sydd dan sylw?

Wedi'i chreu gan yr awduron clodwiw Keiron Self (My Family, Shaun the Sheep) a Kevin Jones (Cardiff Boy, Hinterland), mae hon yn noson o theatr wych ac yn brofiad bythgofiadwy i dadau, meibion, merched a theuluoedd fel ei gilydd.

Mae'r awdur, Keiron Self, yn fwyaf adnabyddus am chwarae rhan y deintydd anffodus Roger Bailey yn y sitcom poblogaidd My Family ar y BBC. Mae wedi cael gyrfa helaeth ym myd teledu (Still Open All Hours, Casualty), ffilm (Bittersweet Symphony, Black Mountain Poets), a theatr (Copenhagen, Love and Money). Mae hefyd wedi ysgrifennu ar gyfer y teledu a'r radio, gan gynnwys Sadie J (CBBC) a'r ffilm A Christmas Number One ar gyfer Sky Cinema.

Mae Kevin Jones, golygydd drama a dramodydd sydd wedi ennill BAFTA Cymru ac sy'n chwarae rhan Martin, wedi cael ei lwyfannu yn Edinburgh Fringe, Camden Fringe, a Theatr The Other Room. Mae ei ddramâu byrion arobryn wedi cael eu perfformio ledled y byd, yn cynnwys oddi ar Broadway. Fel golygydd, mae ei waith yn cynnwys Hinterland, Keeping Faith, a The Feast.

Wedi'i ariannu gan Gyngor Celfyddydau Cymru a chyda adolygiadau gwych fel "Darn o waith clyfar, doniol, ac sy'n effeithio'n ddwfn." Os gewch gyfle (Sioe Martin Decker), mae Martin Decker: DAD yn sioe na ddylid ei cholli.

Tocynnau ar gyfer y sioe ddydd Mercher 25 Mehefin am 7.30pm yw: £18; Oedolyn: £16 consesiynau. Addas ar gyfer oedran 14+. Ewch i'r wefan am fwy o fanylion www.torchtheatre.co.uk / ffoniwch y Swyddfa Docynnau ar (01646) 695267 neu gliciwch yma.