Daeth Rapunzel, y Tywysog Nathaniel o Neyland, y Fam Gothel, Zephyr y Pâl, Periwinkle a Belinda Beehive â llwyfan Theatr Torch yn fyw dros gyfnod yr ŵyl gyda'r pantomeim gwallt-anhygoel, gwallgof, Rapunzel. Roedd y cast proffesiynol, yn cynnwys llawer o dalent leol, yn llawn egni a thalent diddiwedd, yn swyno cynulleidfaoedd o bob oed o bob cwr o Sir Benfro a thu hwnt.

Yn dilyn pantomeim Beauty and the Beast a werthodd pob tocyn a’r Jack and the Beanstalk hynod boblogaidd dros y blynyddoedd diwethaf, rhagorodd Chelsey Gillard, Cyfarwyddwr Artistig Theatr Torch, ei hun unwaith yn rhagor gyda’i chynhyrchiad diweddaraf fel yr eglura adolygwyr cymunedol Theatr Torch, Val Ruloff a Liam Dearden:

“Roedd y sgript yn byrlymu gyda sŵn hwmian haid o jôcs yn heidio i mewn yn ddi-baid ac yn gyflym, yn byrlymu i orlifo (yn debyg iawn i Periwinkle y Coblyn Môr) ac yn byrstio ag egni.”

Fe wnaethant ychwanegu: 

“Mae’r sgôr gerddorol gan James Williams yn wych! Mae’n fraint o’r fath cael cerddoriaeth wreiddiol wedi’i chyfansoddi’n arbennig ar gyfer pantomeim y Torch. Daeth y niferoedd â’r cynhyrchiad cyfan yn fyw eto, yn union fel y gwnaeth y gwisgoedd, y setiau, y propiau, y goleuadau a’r effeithiau arbennig.

“Arweiniodd y gerddoriaeth, ar y cyd â’r golygfeydd a’r setiau, at rai darnau set a pherfformiadau gwych – gan gynnwys y grŵp pop/roc gwych o Bay Wash – a oedd yn cynnwys talentau lleisiol, gitâr ffug a sgiliau chwarae drymiau’r Tywysog Nathaniel o Neyland a’r Fonesig Belinda Beehive.”

“Roedd yn galonogol gweld cymaint ohonoch chi’n dod i weld Rapunzel – o ysgolion i deuluoedd. Cawson ni fwy o geisiadau nag erioed yn ein cystadleuaeth ddylunio – dros 400! Ac roedden ni wrth ein bodd yn dod draw i Orymdaith Llusernau Aberdaugleddau. Mwynhaodd y cwmni cyfan gael eich help chi ar eu hantur dan y môr; yn bwio, yn hisian, yn canu ac yn dawnsio ynghyd,” meddai Chelsey Gillard.

Gwelodd dros 3000 o blant ysgol o bob cwr o Sir Benfro’r pantomeim ac roedd chwe ysgol yn llwyddiannus yn eu cais i gael cymorth ariannol tuag at fynd i’r pantomeim gan Gronfa Ewch i Weld Cyngor Celfyddydau Cymru.

"Roedden ni wrth ein bodd yn gweld ein hawditoriwm yn llawn cynifer o bobl ifanc y Nadolig hwn. Rydyn ni'n gwybod yn aml mai pantomeim yw blas cyntaf o hud theatrig i berson ifanc. Rydyn ni'n ddiolchgar i Gyngor y Celfyddydau am gydnabod y rôl bwysig rydyn ni'n ei chwarae wrth gyflwyno pobl ifanc i'r celfyddydau a helpu i wneud yr ymweliadau hyn yn bosibl. Mae ein hymrwymiad i'r myfyrwyr hyn yn parhau y tu hwnt i'r dyddiad cau, wrth i bob ysgol dderbyn pecyn adnoddau pwrpasol i ddod â themâu'r panto yn fyw yn yr ystafell ddosbarth. Rydyn ni'n edrych ymlaen yn fawr at wneud y cyfan eto'r flwyddyn nesaf!" meddai Tim Howe, Uwch Reolwr Ieuenctid a Chymuned, sy'n goruchwylio allgymorth addysgol yn y Torch.

A nawr bod y llenni wedi cau unwaith eto ar yr hwyl, mae cynlluniau ar gyfer pantomeim 2026 ar y gweill. Paratowch eich symudiadau dawnsio llinell ar gyfer Puss in Boots (gyda mymryn o antur gorllewinol) fis Rhagfyr. A all Puss helpu ein harwyr i ddod o hyd i enwogrwydd a chyfoeth? Yng ngorllewin Gwyllt Cymru mae unrhyw beth yn bosibl! Gwisgwch eich esgidiau cowboi ac ymunwch â ni ar gyfer yr extrafagansa miaw-sigal hon i ddarganfod.

Mae cynnig y cyntaf i’r felin arbennig ar gael ar hyn o bryd ar gyfer y pantomeim newydd sbon hwn gyda chaneuon gwreiddiol, hiwmor swynol a mwy o gyfeiriadau lleol nag y gallwch chi ysgwyd eich cynffon arnynt. Felly gwnewch yn siŵr eich bod chi'n cael y seddi gorau am y prisiau gorau ar hyn o bryd. Mae’n mynd i fod yn  pyjamas y gath. Perfformiad Amgylchedd Hamddenol ddydd Sadwrn 19 Rhagfyr am 2pm. Perfformiad Dehongli Iaith Arwyddion Prydain ddydd Mawrth 22 Rhagfyr am 6pm. Ewch i wefan Theatr Torch ar www.torchtheatre.co.uk / ffoniwch y Swyddfa Docynnau ar (01646) 695267 neu gliciwch yma.