Mae'r storïwyr enwog Daniel Morden a Hugh Lupton wedi creu profiad theatr agos atoch newydd sy'n edrych ar fythau clasurol wedi'u hysbrydoli gan y sêr, a fydd yn teithio ledled Cymru yng Ngwanwyn 2026 ac yn ymweld â Theatr Torch yn ystod mis Mawrth. Mae’r sioe sydd wedi ei chynhyrchu gan Adverse Camber Productions, bydd Stars and their Consolations yn rhannu mythau Groegaidd adnabyddus am y sêr wedi'u goleuo gan drac sain electro-acwstig a grëwyd gan Sarah Lianne Lewis, y gyfansoddwraig arobryn o Gymru.

Yn ystod 2022, gweithiodd Adverse Camber gyda Daniel Morden, Hugh Lupton, y gyfansoddwraig Sarah Lianne Lewis a thîm creadigol i ddatblygu Stars and their Consolations, yn dilyn ei pherfformiad cyntaf yng ngorllewin Cymru yng Ngŵyl Adrodd Straeon Beyond the Border 2021.

Mae'r fersiwn well hon ar gyfer theatrau a theithio gwledig yn ail-ddychymyg mawreddog, agos atoch a hypnotig, sy’n plethu straeon hynafol, gydag animeiddiadau tafluniol hardd o awyr y nos ar y llwyfan, a thirwedd sain electro-acwstig cyffrous.

Mae Stars and their Consolations yn ffordd ryfeddol a hygyrch o brofi straeon sydd wedi cael eu rhannu o amgylch tanau ers miloedd o flynyddoedd.

“Mae Stars and their Consolations yn ffordd o adfer awyr y nos. Ers i ddynoliaeth fodoli, rydym wedi defnyddio straeon i ddeall ein profiadau. Pan fyddwn yn gwrando ar y mythau hyn rydym yn cysylltu â’n hynafiaid. Mae fel pe bai llaw wedi estyn allan o’r gorffennol a chymryd ein llaw ein hunain, ac rydym yn teimlo’n llai unig,” meddai Daniel Morden, adroddwr straeon a chyd-greawdwr Stars and their Consolations.

Mae'r sioe ddwy awr, sy'n addas i rai 12+ oed, yn plymio i antur hudolus iawn. Gwelwch y duwiau'n chwarae'n ddidrugaredd gyda meidrolion gyda straeon o chwant, balchder ac angerdd a fydd yn gadael cynulleidfaoedd ag awydd i ddarganfod rhagor. Gwrandewch ar gytserau a chlystyrau sêr adnabyddus fel Orion, Pegasus, y Pleiades, Sirius a'r Llwybr Llaethog ei hun.

Mae ysgubiad epig awyr y nos yn dod â phersbectif cosmig, tragwyddol i drafferthion dynol, ac yn cynnig cysur mawr ei angen ar gyfer ein hoes ni.

“Mae straeon a rennir gyda’n gilydd yn helpu i ddod â phobl at ei gilydd. Rydym oll yn byw o dan yr un awyr, er y gall edrych yn wahanol iawn yn dibynnu ar ble rydych chi’n sefyll. Mae straeon sy’n gysylltiedig â sêr yn ein helpu i gofio patrymau cytserau, a all ein helpu i ddod o hyd i’n ffordd, a nodi ein newidiadau tymhorol. Gallant hefyd anfon rhybuddion atom, fel y risgiau i’n hiechyd a’n hecoleg o lygredd golau. Trwy rannu straeon rydym yn cael ein hatgoffa o werth aruthrol awyr y nos a pham mae angen i ni sicrhau y gall cenedlaethau’r dyfodol barhau i fwynhau ei harddwch a’i phŵer!” meddai Naomi Wilds, Cynhyrchydd yn Adverse Camber.

Yn y cyfnod cyn y perfformiad yn y Gwanwyn, bydd Adverse Camber, gyda chefnogaeth Partneriaeth Prosiect Nos, Theatrau Sir Gâr, Cyngor Celfyddydau Cymru, Cronfa Dreftadaeth y Loteri Genedlaethol, Sefydliad Colwinston, Ymddiriedolaeth Darkley, Llywodraeth Cymru, Llenyddiaeth Cymru a People Speak Up, yn cynnal prosiect chwe mis yn gweithio gyda 10 o adroddwyr straeon dwyieithog ar draws Cymru fel rhan o brosiect Cysur y Sêr.

Mae Cysur y Sêr yn brosiect dwyieithog dan arweiniad Cymru sy'n ymwneud â datblygu straeon yn y Gymraeg, Mae’n tynnu sylw at yr effeithiau amgylcheddol y mae llygredd golau a newid hinsawdd yn eu cael yng Nghymru, a gadael gwaddol adrodd straeon effeithiol i genedlaethau'r dyfodol. Bydd y 10 storiwr dwyieithog yn gweithio gyda chymunedau ger lleoliadau dros y chwe mis nesaf cyn Wythnos Awyr Dywyll ym mis Chwefror 2026 ac yn cysylltu â'r daith ym mis Mawrth ac Ebrill 2026.

Er bod Stars and Consolations yn edrych ar fythau Groegaidd, mae gan Gymru rai o’r awyr nos sydd wedi’i diogelu orau yn y byd. Mae’r cynhyrchiad hwn yn caniatáu i gynulleidfaoedd ailfeddwl am straeon awyr y nos yng Nghymru.

Mae Daniel Morden yn egluro: “Arferai tirwedd Cymru fod yn llawn straeon. Mae cymaint o enwau lleoedd Cymru yn dod o straeon, ac mae llawer ohonynt wedi’u hanghofio. Mae’r un peth yn wir am y nefoedd. Os yw SÊR yn helpu i wneud awyr y nos yn hudolus ac yn werthfawr eto, efallai y byddwn yn gwneud rhagor i’w hamddiffyn.”

“Roedd pobl wledig ac arfordirol yng Nghymru yn ystod y canrifoedd diwethaf yn gwybod cymaint am gytserau, ac mae diddordeb mewn gwylio’r Awyr Dywyll ledled Cymru yn tyfu’n fawr ar hyn o bryd. Yn anffodus, rydym yn amau ​​ein bod wedi colli llawer o’r straeon y gallai pobl fod wedi’u hadrodd am y sêr yn y gorffennol, ond gallai Cysur y Sêr ddatgelu straeon y mae pobl yn cofio eu clywed, sy’n gyffrous iawn. Mae’r prosiectau hyn yn golygu y bydd llawer mwy o bobl yn cael clywed ac ailadrodd y straeon hyn, sy’n helpu i drosglwyddo’r wybodaeth bwysig hon i’r dyfodol,” meddai Dani Robertson, Swyddog Awyr Dywyll ar gyfer Partneriaeth Prosiect Nos.

Mae modd gweld Stars and their Consolations ar lwyfan Theatr Torch ar nos Fawrth 24 Mawrth. Am ragor o wybodaeth ewch i wefan Theatr Torch www.torchtheatre.co.uk / ffonwich y Swyddfa Docynnau ar (01646) 695267 neu gliciwch yma.