Mae addasiad o gyffro The Magic Faraway Tree (U) yn antur gyffrous, hir-ddisgwyliedig i'r teulu cyfan yn seiliedig ar nofel glasurol Enid Blyton o 1943 a gellir ei gweld ar sgrin Theatr Torch fis Mawrth ac Ebrill eleni. Gyda chast gwych yn cynnwys Andrew Garfield a Claire Foy, disgwylir i'r ffilm deuluol wych hon ddenu'r tyrfaoedd!

Dilyna The Magic Faraway Tree Polly a Tim a'u tri phlentyn - teulu modern sy'n cael eu gorfodi i symud i gefn gwlad anghysbell Lloegr. Wrth iddynt addasu i'w bywydau newydd, mae'r plant yn darganfod coeden hudolus a'i thrigolion rhyfeddol ac ecsentrig gan gynnwys cymeriadau gwerthfawr Moonface (Nonso Anozie), Silky (Nicola Coughlan), Dame Washalot (Jessica Gunning) a Saucepan Man (Dustin Demri-Burns).

Wedi’i hysgrifennu gan Simon Farnaby (Paddington 2), mae The Magic Faraway Tree yn ffilm gynnes, sy’n weledol ysblennydd, ac yn hiraethus i deuluoedd. Ac nid dim ond y cast a'r sgript gwych fydd yn denu'r tyrfaoedd, mae'r set hefyd yn ffantastig, fel yr eglura Emma John o The Guardian yn ei herthygl.

“Mae’r crefftwaith sydd wedi mynd i mewn i’r cynhyrchiad – o’r madarch wedi’u gwneud â llaw yn unigol sy’n llenwi’r goedwig hudolus, i atgynhyrchiad maint llawn o dram Lisbon – yn amlwg ym mhobman, yn enwedig yn yr ysgubor adfeiliedig sy’n teimlo mor fywiog fel eich bod chi’n gobeithio y byddan nhw’n ei rhentu allan ar Airbnb.”

Ar frig y goeden, caiff y cast ei gludo i diroedd ysblennydd a ffantastig a, thrwy lawenydd a heriau eu hanturiaethau, mae'r teulu'n dysgu ailgysylltu a gwerthfawrogi ei gilydd am y tro cyntaf ers amser.

Gellir gweld The Magic Faraway Tree (U) ar sgrin Theatr Torch o ddydd Gwener 27 Mawrth tan ddydd Sul 12 Ebrill. Pris: £7.50 | £7.00 Consesiynau | £6.00 Dan 16 | £24.00 Teulu. Am ragor o wybodaeth ewch i wefan Theatr Torch www.torchtheatre.co.uk / ffoniwch y Swyddfa Docynnau ar (01646) 695267 neu gliciwch yma.