Llun: Chelsey Gillard, Prif Swyddog Gweithredol Dros Dro a Chyfarwyddwr Artistig Theatr Torch gyda Maer Cyngor Tref Aberdaugleddau, y Cynghorydd William Elliott.

Eleni, mae lleoliad celfyddydau blaenllaw Sir Benfro wedi derbyn grant o £7500 gan Gyngor Tref Aberdaugleddau, gan barhau â hanes hir o gefnogaeth i'r gweithgarwch celfyddydau cymunedol yn y lleoliad eiconig. Wedi'i sefydlu ym 1977, gyda chefnogaeth sylweddol gan Gyngor Tref Aberdaugleddau, mae Theatr Torch yn un o ddim ond tair theatr gynhyrchu broffesiynol sydd wedi'u lleoli mewn adeilad yng Nghymru ac mae'n adnabyddus am ei chynyrchiadau mewnol a'i gweithgarwch ieuenctid a chymunedol helaeth.

Gyda statws elusennol, mae Theatr Torch yn cael ei hariannu’n gyhoeddus ac yn cael ei chefnogi gan Gyngor Celfyddydau Cymru, a’r Cyngor Sir. Mae hefyd yn cael ei chefnogi’n hael gan fusnesau a sefydliadau lleol gan gynnwys Awdurdod Porthladd Aberdaugleddau. Wedi’i ddisgrifio fel sefydliad pwysig yng nghymuned greadigol Cymru, mae’r Torch yn dibynnu ar gyllid i barhau i gynnig ystod o ddigwyddiadau a gweithgareddau i bawb ac mae’n falch iawn o fod wedi derbyn y grant hwn gan Gyngor y Dref.

Dywedodd Chelsey Gillard, Prif Swyddog Gweithredol Dros Dro a Chyfarwyddwr Artistig Theatr Torch:

“Mae cael grantiau fel yr un hon gan Gyngor y Dref yn ein helpu i gyflwyno celfyddydau o safon i bobl Aberdaugleddau, Sir Benfro a thu hwnt. Rydym yn ddiolchgar iawn am y gefnogaeth barhaus hon ac yn gwerthfawrogi gwaith Cyngor y Dref i sicrhau bod darpariaeth bwysig yn cael ei chefnogi ar draws Aberdaugleddau.”

Drwy gydol y flwyddyn mae'r Torch yn cynnal mwy na 2,000 o ddigwyddiadau a gweithgareddau gan roi croeso cynnes i dros 100,000 o ymwelwyr. Y prif ofod cymunedol yw The Junction sy'n gwasanaethu fel cartref i Theatr Ieuenctid y Torch ac fel ystafell ymarfer ar gyfer sioeau proffesiynol mewnol. Mae'r Prif Awditoriwm yn eistedd 300 o bobl a'i Theatr Stiwdio, 102. Mae oriel gelf Joanna Field yn arddangos arddangosfeydd celf lleol ac mae Caffi Torch yn gweini prydau blasus tri chwrs drwy gydol y flwyddyn.

“Rydym yn gwneud cymaint mwy na’r hyn y mae ein cynulleidfaoedd yn ei weld ar y llwyfan. I enwi dim ond rhai o’n gweithgareddau rheolaidd; rydym yn cynnal Theatr Ieuenctid boblogaidd iawn ar gyfer oedrannau 7-18, yn hwyluso dangosiadau a sioeau mewn amgylchedd hamddenol, yn cynnal grŵp dysgwyr Cymraeg, Coffi Cymraeg, ac yn cynnal Cyfnewidiadau Dillad rheolaidd. Mae’r Torch hefyd yn gartref i Gôr Cysur gan Opera Cenedlaethol Cymru ar gyfer pobl sy’n byw gyda dementia a llawer o ddosbarthiadau o ansawdd uchel i oedolion ag anableddau a gynhelir gan Arts Care. Mae’r holl weithgarwch hwn yn dibynnu ar ein tîm o wirfoddolwyr gwych a chefnogaeth gan grantiau, ymddiriedolaethau a rhoddion. Bydd y grant hwn yn mynd tuag at sicrhau y gall y gweithgareddau hyn barhau, diolch!” dywedodd Chelsey wrth gloi.