Wedi’i chyfarwyddo gan Kate Wasserberg, bydd prif gynhyrchiad Theatr Clwyd o Under Milk Wood, campwaith annwyl Dylan Thomas yn teithio Cymru, ac yn ymddangos ar lwyfan Theatr Torch, Aberdaugleddau am 10 diwrnod yn ystod mis Ebrill. Yr wythnos hon, cyhoeddwyd y cast llawn ar gyfer tymor y 50fed pen-blwydd a llwyfannu newydd.

Gan gyfuno adrodd straeon geiriol Thomas â chynhyrchiad cyfoethog gweledol a gwbl hygyrch lle mae Iaith Arwyddion Prydain, capsiynau creadigol a disgrifiadau sain wedi'u hintegreiddio i bob perfformiad, mae'r cynhyrchiad hwn o Under Milk Wood yn un na ddylai cynulleidfaoedd ei golli.

Yn nhref glan môr fach Llareggub, mae breuddwydion a chyfrinachau ei thrigolion yn llifo drwy'r nos — cariadon coll, cyd-longwyr wedi boddi, sgandalau bach a hiraeth tawel. Yn eu tro yn ddireidus, yn dyner ac yn ddynol ddofn, mae Under Milk Wood yn bortread cyffrous o gymuned, yn cael ei fywiogi drwy berfformiad ensemble sy’n dal cerddoroldeb a hud iaith Dylan Thomas.

Aelodau llawn y cast y gellir eu gweld ar lwyfan Theatr Torch fydd Douglas Walker (The Visit - NT), Caroline Parker (Signs of a Star Shaped Diva -  Theatre Royal Stratford East/New Wolsey Theatre Ipswich), Macsen McKay (First Three Drops -Taking Flight), Izzi McCormack-John (Hot Chicks – Grand Ambition/Sherman), Adam Bassett (Hullraisers – Channel 4), Georgia Griffiths (Power Of Words - Theatr nanÓg), Seán Carlsen (His Dark Materials - BBC), Jacob Coleman (Nye-NT), Amy Conachan (Blood Wedding – Graeae Theatre), Mirain Fflur (Gwaith/Cartref – S4C) and Chandu Gopalakrishnan (High Times&Dirty Monsters - 20 Stories High/Graeae Theatre).

Yn gynhyrchiad Theatr Clwyd wedi ei greu fel rhan o Craidd, mae Under Milk Wood yn gydweithrediad rhwng pum sefydliad celfyddydol Cymreig sy'n gweithio i wella cynrychiolaeth brif ffrwd unigolion byddar ac anabl ar y llwyfan ac oddi arno ledled Cymru. Yn dilyn ei chyfnod yn yr Wyddgrug, bydd Under Milk Wood yn teithio i Theatr y Sherman, Caerdydd, Theatr Torch, Aberdaugleddau a Chanolfan Celfyddydau Pontio ym Mangor.

Gellir gweld Under Milk Wood i'w weld ar lwyfan Theatr Torch o 16 Ebrill i ddydd Sadwrn 25 Ebrill. Prisiau tocynnau o £15. Am ragor o wybodaeth ewch i wefan Theatr Torch www.torchtheatre.co.uk / ffoniwch y Swyddfa Docynnau ar (01646) 695267 neu gliciwch yma.