“Gofynnwn am bleser eich cwmni” yn Theatr y Torch

Ydych chi erioed yn teimlo fel gweiddi "Rhowch stop i’r byd, dw i am fynd oddi arno!"?

Rydym yn byw mewn byd gwallgof, onid ydym ac yn un digon creulon ar adegau. Wel, mae cwmni cynhyrchu theatr arloesol iawn yn cynnig y cyfle hwnnw i chi...dim ond am noson...ond am un noson! Mae Choice Grenfell, cynhyrchiad Kick in the Head, yn dod i Theatr y Torch ar ddydd Mercher Mawrth 16, gan nodi 40 mlynedd ers colli Joyce Grenfell.

I'r rheiny ohonoch na chawsoch erioed y cyfle i weld a chlywed y Joyce Grenfell hyfryd...mae gennych chi rywfaint o ddal i fyny i'w wneud...a dyma'ch cyfle! Roedd Joyce yn ddigrifwr, monolegydd a chantores hynod boblogaidd a swynol yn y 50au a’r 60au, a oedd wedi lansio ei gyrfa yn y 40au yn gwneud gwaith rhagorol gan ddiddanu’r milwyr mewn mannau pellennig yn ystod yr ail ryfel byd. Mae'r stoiciaeth siriol y mae hi bob amser yn ei harddangos mor atgoffaol o'r slogan sydd fel petai wedi dod yn boblogaidd eto yn ddiweddar, "Cadwch yn dawel a daliwch ati."

Yn y cyfnod ansicr hwn daw noson hyfryd o gynhesrwydd, ffraethineb a hiwmor tyner. Mae Choice Grenfell yn cynnwys rhai o ganeuon a monologau hyfryd Joyce o “Stately as a Galleon” a “School Nativity Play” i “A Terrible Worrier” a “First Flight.” Joyce yw ein tywysydd ar gyfer archwiliad hyfryd i rai o’i chymeriadau mwyaf hyfryd, yng nghwmni ei phianydd a’i chyfarwyddwr cerdd dibynadwy William Blezard.

Mae cynhyrchydd y sioe hon wedi cael mynediad at lythyrau personol ac oriau o recordiadau cyfweliad gan William Blezard er mwyn gwneud y sioe hon mor ddilys â phosibl.

 Mae modd gweld perfformiad o Choice Grenfell yn Theatr y Torch, Aberdaugleddau, ar nos Fercher 16 Mawrth am 7.30pm. Mae tocynnau’n £14 ac £13 am gonsesiynau ac ar gael i’w harchebu fesul ein Swyddfa Docynnau ar 01646 695267, neu ar-lein yma.