Unwaith eto, mae Theatr y Torch, Aberdaugleddau yn croesawu Gŵyl Animeiddio Caerdydd wrth iddi deithio ar draws Cymru. Bydd ei hymweliad cyntaf yma yn Sir Benfro ddiwedd mis Tachwedd a gyda rhaglen deithiol newydd sbon yn cynnwys ffilmiau byr animeiddiedig anarferol a doniol a wnaed yng Nghymru, mae selogion y byd ffilm mewn am drît go iawn.

Mae Gŵyl Animeiddio Caerdydd (CAF) yn cynnwys ffilmiau byr wedi'u hanimeiddio a gynhyrchwyd gan wneuthurwyr ffilm Cymraeg neu o Gymru, gan gynnwys sesiynau Cwestiwn ac Ateb wedi'u recordio gyda'r gwneuthurwyr ffilm eu hunain. Bydd hyn yn rhoi cyfle i'r gynulleidfa fynd y tu ôl i'r llenni a dysgu sut y gwnaed y ffilmiau, gydag addasrwydd oedran 15+!

​Mae’r ffilmiau byr sydd ar daith eleni yn amrywio’n fawr ac yn cynnig rhywbeth at bob chwaeth o’r iasol i’r doniol iawn. Mae 100,000 Acres of Pine yn gweld y Ceidwad Megan Patel yn datgelu dirgelwch marwolaeth ei brawd. Ond yn dilyn ei olion traed, mae Megan yn darganfod tywyllwch na alla ddianc. Mae Druids, a gyfarwyddir gan Shwan Nosratpour yn teithio’n ôl trwy niwloedd dirgel amser ar antur gyda thri derwydd gwirion, gwiwer ddireidus a chyw iâr seicedelig wrth iddyn nhw geisio adfer cydbwysedd byd natur ar ôl i ddigwyddiad astrolegol rhyfedd fygwth newid eu byd am byth.

Ffilm fer am lysiau dawnsio yw Yas Greens... wedi ei gwneud mewn 48 awr ar gyfer Raffl Sydyn Caerdydd! Bydd y rheiny sy’n caru anifeiliaid wrth eu bodd yn gwylio Pawesome, But Weird! wedi ei chyfarwyddo gan Nayomi Hewa. Mae’r ffilm ddi-stori hon yn ffocysu ar bum cath unigryw, sy’n ymddwyn yn eu byd bach eu hunain. Dilyna Clowning Around clown sy’n breuddwydio am fod yn berfformiwr syrcas, ond yn fuan dysga bod ymarfer yn creu perffeithrwydd ac mae Hide, ffilm saith munud yn gweld dau frawd yn chwarae cuddio. Mae un ohonyn nhw’n dod o hyd i’r lle cuddio perffaith… a byth yn dod allan. Cyfarwyddwyd The Hounds of Annwn gan Bethan Hughes a Bryony Evans ac mae’n adrodd hanes rhyfelwr clwyfedig yn dychwelyd i'w bentref ond yn cael ei hela gan becyn o gŵn dirgel. Ar ôl mynd ar drywydd enbyd, rhaid iddo wynebu ei orffennol er mwyn dod o hyd i heddwch yn eu dyfodol. Comedi cynllwyn am greision yw Spectre of the Bear, gyda Craig Roberts a Bill Nighy yn serennu.

​Mae Blooming yn ffilm animeiddio stop-symudiad sy’n defnyddio golygfa-blastr cnawdol i wahodd y gwyliwr i edrych ar y byd o olwg planhigyn. Mae’r ffilm chwareus hon yn ddathliad o awydd a phleser. A’r ffilm olaf yw Marmalade is Missing ac mae’n gweld Margo Monroe fel seren y sioe. Mae hi’n fawr a hi sy’n rheoli. Ar wahân i'r un gwendid, mae ei chath sinsir, Marmalêd, ac mae Marmalêd ar goll!

Bydd Gŵyl Animeiddio Caerdydd yn ymweld â Theatr y Torch ar nos Fercher 29 Tachwedd am 7.30pm.

Teulu: £24.00, 2 oedolyn a 2 blentyn NEU 1 oedolyn a 3 phlentyn. Llawn: £7.50. Myfyriwr Llawn Amser: £7.00. Anabl Cofrestredig: £7.00. Di-waith: £7.00. 65 a throsodd: £7.00. Plentyn (Dan 16): £6.00. Gellir prynu tocynnau o’r Swyddfa Docynnau yn Theatr y Torch ar 01646 695267 neu torchtheatre.co.uk.