Dyrchafol, gyda chalon fawr ac yn hynod ddoniol – sioe un-dyn na ellir ei cholli yn dod i'r Torch

Am un noson yn unig, cewch eich syfrdanu, cewch eich ysbrydoli wrth i chi glywed hanes cyfeillgarwch rhyfeddol yn cael ei ffurfio pan fydd James, bachgen unig, anhapus yn ei arddegau, yn creu cwlwm cryf â’r hen wraig frawychus a oedd yn byw yn y tŷ arswydus ar ei stryd.

Mae’r sioe un dyn newydd sbon, galonogol a doniol hon ‘Learning to Fly’ yn addo noson ogoneddus ac amharchus yn Theatr y Torch gydag un o storïwyr mwyaf clodwiw’r DU.

Ar nos Fercher 28 Chwefror, bydd y storïwr, awdur a pherfformiwr poblogaidd James Rowland yn eich syfrdanu â pherfformiad a fydd yn aros gyda chi am byth. Mse James, sy’n fwyaf adnabyddus am ei drioleg Songs of Friendship – Team Viking, A Hundred Different Words For Love and Revelations – wedi ennill canmoliaeth sylweddol gan y beirniaid, gan deithio’r DU ac yn rhyngwladol am bedair blynedd, cyn cael ei gyhoeddi gan Oberon Books. Mae’r cyfan yn cynnwys ei gymysgedd cyfareddol o gomedi, cerddoriaeth ac adrodd straeon, ac mae ei sioeau wedi teithio’n llwyddiannus i leoliadau gwledig anghysbell a theatrau rhanbarthol blaenllaw.

“Mae’n ymwneud â chysylltiad, waeth beth fo’r rhwystrau; am frwydr dragwyddol cariad ag amser; am gerddoriaeth a'i gallu i wella. Mae hefyd yn ymwneud â’i dymuniad olaf: bod ar gyffuriau unwaith cyn iddi farw,” meddai James sy’n edrych ymlaen at ymweld â Sir Benfro.

Sylwch, addas ar gyfer oed: 13+ (rhai themâu oedolion, cyfeiriadau at ddefnyddio cyffuriau).

Caiff Learning To Fly ei pherfformio yn Theatr y Torch ar nos Fercher 28 Chwefror am 7.30pm. Tocynnau i Oedolion: £15 a Chonsesiwn: £13. Gellir prynu tocynnau o Theatr y Torch y Swyddfa Docynnau ar 01646 695267 neu drwy glicio yma.