Keith James sy’n cyflwyno adlewyrchiad gonest a chariadus o gerddoriaeth oesol a chraff Yusuf - Cat Stevens

Nid yw’n syndod, i nodi ei hanner canmlwyddiant, fod Yusuf wedi ail-recordio ac ail-ryddhau ei albwm Tea for the Tillerman yn llwyr, gyda phob un o’r 11 cân fythgofiadwy wedi’u hail-gysyniadu a’u hail-ddychmygu a’u rhoi yn ôl i ni ymhlith holl ansicrwydd 2020 - 2023.

Fel pe na bai hynny'n ddigon arwyddocaol, mae hefyd wedi rhyddhau albwm newydd sbon o'r enw King of a Land ac wedi ymddangos yng Ngŵyl Glastonbury.

Yn ystod y 1970au cynnar, casglwyd llu o gerddoriaeth gan y canwr/cyfansoddwr hynod boblogaidd ac annwyl hwn ar gyfer casgliad o recordiau ‘rhaid eu cael’ ar draws cenhedlaeth gyfan. Roedd Tea for the Tillerman a Teaser and the Firecat ar orsaf radio pawb, cafodd fersiynau byw eu chwarae mewn cyngherddau, bariau ac ar draethau’r byd, ac maent yn parhau i wneud hynny. Heddiw, mae caneuon megis Wild World, Father and Son, Moonshadow a Where do the Children play wedi eu canu gan gannoedd o artistiaid ar draws y byd.

Mae Keith James yn berfformiwr cyngerdd hirsefydlog, uchel ei barch a dyfeisgar sy'n arbenigo mewn chwarae cyngherddau arddull bywgraffyddol agos, sydd wedi'u hymchwilio'n ofalus, y rhai y mae wedi'u hastudio a'u parchu fel ysgrifenwyr dros y blynyddoedd. Fis Gorffennaf eleni, mae'n anelu am lwyfan Theatr Torch, Aberdaugleddau ac mae'r tocynnau'n gwerthu'n gyflym.

Disgrifir ei berfformiad gan The Independent fel ‘Peth o’r gerddoriaeth fwyaf atmosfferig ac emosiynol y byddwch chi byth yn ei chlywed’ ac ‘Mae Keith James wedi dod yn un o hoeolion wyth ymddiriedaeth. Mae ganddo lais aruchel agos-atoch ac atyniadol’ gan y Sunday Times. Mae’n sicr yn berfformiad yma yn Sir Benfro na ddylech ei golli.

Mae’n plethu hanes bywyd Cat Stevens o’i yrfa bop gynnar, salwch sy’n bygwth bywyd a thaith ysbrydol o amgylch perfformiad o’i ganeuon crefftus a chofiadwy. Mae Keith wedi perfformio ymhell dros 100 o’r cyngherddau hyn ers 2017, pob un ohonyn nhw wedi cael derbyniad anhygoel o dda, gyda llawer wedi gwerthu pob tocyn.

Ceir cryn dipyn o fewnwelediad i hanes ac ysbryd Cat Stevens; ei yrfa bop gynnar, ei salwch a'i newidiodd yn ddirfodol ac ysbrydol i fod yn ganwr-gyfansoddwr hynod feddylgar a chariadus; fel bod ei ganeuon yn cael eu cofio ar unwaith am eu synnwyr dyrchafol o weledigaeth, gwirionedd a breuder dynol.

Yng nghyngerdd Keith James yng Ngŵyl y Gelli, dywedodd nifer o aelodau’r gynulleidfa fod ei berfformiad yn ‘wirioneddol gofiadwy.’ Ychwanegodd un o’r trefnwyr: “Dechreuodd y dagrau cyn gynted ag y cyflwynodd y gân gyntaf, a deuthum i ffwrdd yn meddwl na fydd yr ysbryd dynol yn cael ei drechu. Mae ar daith ar draws y DU ar hyn o bryd. Ewch i’w weld os gallwch. Mae'n fod dynol mor hyfryd ac mor dalentog.”

Bydd elw a rhoddion y gynulleidfa o’r daith hon o gyngherddau yn mynd at Apêl Plant Syria UNICEF y DU.

Bydd Keith James – The Music of Yusuf – Cat Stevens yn heidio i Theatr Torch  ar nos Sadwrn 6 Gorffennaf am 7.30pm. Pris tocyn: £20. I archebu eich tocyn neu am wybodaeth bellach, cysylltwch gyda’r Swyddfa Docynnau ar 01646 695267 neu cliciwch yma.