Mae Theatr y Torch yn falch iawn o gyhoeddi rhaglen o Ysgolion Haf Drama, Dawns a Theatr Gerddorol i blant a phobl ifanc, a gynhelir ym mis Awst eleni yn y Torch. Bellach gellir archebu lleoedd ar gyfer hwyl yr haf gyda ffrindiau newydd, creadigrwydd di-ben-draw a llawer o ddysgu. 

Eleni, fe fydd Ysgol Haf y Torch yn cynnwys y canlynol:

Mae Gweithdai Drama’r Torch wythnos o hyd yn cael eu harwain gan arbenigwyr o’r diwydiant a daw’r ddwy wythnos i ben mewn perfformiad rhannu ar lwyfan Theatr y Torch gyda gwahoddiad i rieni a gwarcheidwaid ddod draw i wylio (am ddim). 

Mae’r sesiynau beunyddiol yn cael eu harwain gan ddrama ac yn cynnwys hwyl, gemau, heriau a chyfleoedd i ddysgu sgiliau drama newydd a pherfformio mewn amgylchedd diogel – popeth y byddech yn ei ddisgwyl gan y Theatr Ieuenctid y Torch.

Mae Ysgol Haf Ddrama Theatr Ieuenctid Iau, ar gyfer plant 7 i 10 oed, yn ystod yr wythnos:

Dydd Llun 1af i Ddydd Gwener 5ed Awst – o 9.30am i 4.00pm.
Y gost fydd £60 y plentyn/ £50 sibling oedran 7 - 10

Cynhelir Ysgol Haf Ddrama Theatr Ieuenctid Hŷn ar gyfer disgyblion 11 i 16 oed yr wythnos ganlynol ar:

Ddydd Llun 8fed – Dydd Gwener 12fed Awst – o 9.30am i 4.00pm

Y gost ar gyfer y ddau weithdy wythnos o hyd yw £60 y plentyn a £50 i frawd neu chwaer ar gyfer grwpiau oedran Iau ac Hŷn.

Ysgol Haf Joon Dance yn y Torch

Os mai dawns yw’r peth gorau i chi, yna beth am bedwar gweithdy diwrnod o hyd yn dysgu ‘Odette’s Revenge’, sy’n ddilyniant modern i Swan Lake ac eto, fydd yn arwain at sioe. Mae Joon Dance wedi bod yn ymwelwyr cyson â Theatr y Torch ac mae Zosia, sy’n rhedeg y cwmni, yn uchel ei pharch ac mae ganddi ddilynwyr ffyddlon. Gallwch ddarganfod mwy am yr Ysgol Haf Ddawns trwy e-bostio Zosia yn joondance@gmail.com neu drwy ymweld â’r wefan yma.

Gall plant a phobl ifanc o bob oed fynychu: 

Joon Bugs oed 6-10, Jooniers oed 12-16, Joon Ieuenctid/Aur 16+ (heb unrhyw derfyn oedran uwch) 

Dyddiadau ar gyfer yr Ysgol Dawns yr Haf yw: 
Dydd Llun Awst 15fed - Dydd Iau Awst 18fed: 10yb - 1yp, a diwrnod y sioe ymlaen
Dydd Gwener 19eg Awst o 1pm ymlaen gyda'r sioe ar yr un diwrnod am 7.30pm. 

Y gost i bawb sy’n mynychu’r gweithdai yw naill ai’r pris cymorth o £85 (i helpu Joon Dance i ddod dros y pandemig a chefnogi gwaith yn y dyfodol) neu’r pris safonol o £75.

Pris consesiynau a brawd neu chwaer: £65 (gostyngiadau i ddau aelod o'r un teulu agos) neu bris teulu: £55 (lle mae tri neu fwy o aelodau'r un teulu agos gyda'i gilydd). Mae tocynnau i fynychu’r perfformiad yn costio £6.00.

Ysgol Haf Wythnos Theatr Gerddorol i gynhyrchu Legally Blonde Junior! 

Dydd Llun 22 Awst i ddydd Gwener 26 Awst yw gweithdy theatr gerdd Theatr y Torch a fydd yn arwain at rannu perfformiad i rieni a gwarcheidwaid ar y diwrnod olaf.

Yn cael ei rhedeg gan y cyfarwyddwr cerdd a hyfforddwr llais, Angharad Sanders (Lleisiau’r Torch) gyda chefnogaeth gan yr ymarferydd Drama o Sir Benfro, Lucy O’Neill, bydd y rhai sy’n cymryd rhan yn gweithio gyda’i gilydd i greu’r sioe gerdd Legally Blonde Junior mewn wythnos!

Ar gyfer plant a phobl ifanc 10 oed a throsodd, bydd gweithdai yn cael eu cynnal o 9.30am tan 4.00pm a’r pris yw £75 y plentyn / £65 brawd neu chwaer heb unrhyw dâl am berfformiad diwedd wythnos. 

Rydym hefyd y cynnig pris gostyngedig ar brynu lluosog: £115 y plentyn | £100 sibling – i fynychu Gweithdai Theatr Ieuenctid Hŷn ac wythnos Theatr Gerddorol.

Mae nifer y llefydd yn gyfyngedig ar gyfer Wythnosau Ysgol Haf Theatr y Torch a rhaid archebu lle yn bersonol neu drwy ffonio ein Swyddfa Docynnau ar 01646 695267. Ymdrinnir ag archebion Joon Dance yn allanol fesul gwefan Joon Dance.