Roedd y theatr a chelfyddydau perfformio yn rhan o fy mywyd ers yr oeddwn yn ifanc iawn. Dechreuais ganu’r trwmped yn saith mlwydd oed, a chan fod gan Sir Benfro wasanaeth cerddoriaeth mor gryf a chydweithredol, arweiniodd hyn at ymuno â phob math o fandiau ar lefel ysgol, sir, a thair sir. Roedd yn anochel y byddai fy nghariad at gerddoriaeth a pherfformio’n tyfu. Yna es ymlaen i ddysgu canu, gitâr, a bas, a chwarae clasurol, jas, roc, a phync, a’r cyfan oll diolch i gefnogaeth anhygoel fy athrawon. Arweiniodd cerddoriaeth at ddrama, sioeau cerdd, a dramâu; Shakespeare, Chekhov, Pinter, Caryl Churchill… allwn i ddim cael digon! Darparodd Celfyddydau Perfformio nid yn unig ddihangfa, fe wnaeth fy ngalluogi i barhau i ddianc i fyd o chwarae a defnyddio fy nychymyg fel oedolyn ifanc. Fe wnes i greu, dyheu a mynegi fy hun, wrth ddysgu gweithio a chymdeithasu gyda chyfoedion wrth ddyfeisio rhywbeth a oedd yn eiddo i ni i gyd.

Wrth dyfu i fynu, fe wnes i weld cymaint o ddramâu yn Theatr y Torch. Roeddwn yn ffodus i allu cael mynediad at waith proffesiynol gwych, yn lleol ac yn deithiol, ar garreg fy nrws. Ymunais â rhaglen theatr ieuenctid, lle treuliais hafau cyfan yn ymarfer a pherfformio dramâu. Cawsant eu hysgrifennu a'u cyfarwyddo gan ein Dave Ainsworth ni ein hunain, a rheolwyd y llwyfan gan Andrew Sturley a'r tîm technegol gwych. Roedd y ffordd roedd ein sioeau yn adlewyrchu ymarfer proffesiynol y theatr wedi rhoi’r sgiliau oedd eu hangen arnaf yn gynnar yn fy ngyrfa ac yn gwneud i mi eisiau i hynny fod yn swydd i mi.

Astudiais Actio yn Ysgol Cerddoriaeth a Chelfyddydau Perfformio Bath Spa cyn symud i Lundain yn 2014. Mae wedi bod yn sawl blwyddyn bellach! Mae gweithio ym myd theatr, ffilm a theledu ar draws y DU ac yn rhyngwladol wedi bod yn antur ryfeddol. Roedd y pandemig yn fwlch stop enfawr i'r diwydiant cyfan, roedd yn amser i fyfyrio, addasu. Y newid mwyaf a dyfodd ohono oedd dod yn greawdwr. Rwyf wedi bod wrth fy modd i weithio’n agos gyda Matt Emeny a Calf 2 Cow fel artist cyswllt, yn ysgrifennu ac yn cyfarwyddo’r gerddoriaeth ar gyfer tair sioe sydd wedi teithio ar draws y DU (gan gynnwys y Torch).

Fy sioe gyntaf gyda Chwmni Theatr y Torch (a fy nghredyd Cymraeg proffesiynol cyntaf) oedd Cinderella yn 2021. Cefais fy amgylchynu gan bobl ag acenion Cymreig hyfryd, a oedd yn siarad ac yn clymu ymadroddion gyda'i gilydd, fel fi. Bûm yn rhannu tafodiaith a phrofiad bywyd. Doeddwn i ddim wedi gwerthfawrogi tan yr eiliad honno fy mod wedi treulio fy ngyrfa gyfan yn gweithio mewn gwlad dramor! Mae bod yma wedi dod â chynhesrwydd a chysur. Tra i ffwrdd, roeddwn yn hiraethu am rywbeth nad oeddwn hyd yn oed yn gwybod ei fod ar goll. Yr hyn oedd ar goll oedd cartref. Hiraeth.

Felly yn naturiol, dw i’n ecstatig i fod yn gweithio yn y Torch eto y Nadolig yma yn Beauty and the Beast. Mae’n argoeli i fod yn llawn chwerthin di-ri, cerddoriaeth, a hwyl rydych chi’n ei ddisgwyl o’r panto a mwy! Clywais fod y bwystfil yn eitha’ golygus o dan yr holl ffwr a cholur ‘na hefyd…