Ar ôl cael fy mhlentyn cyntaf, sydd bellach yn 12 oed, penderfynais gymryd ychydig o seibiant o weithio mewn lleoliadau ysgol/meithrinfa, lle roeddwn wedi hyfforddi fel cynorthwyydd cymorth dysgu, gan gymryd swydd achlysurol mewn bar tapas Sbaenaidd hynod boblogaidd yng nghanol tref Hwlffordd.

I mi, dyma lle dechreuodd y cyfan…

Yma, roeddwn i’n hynod o lwcus i fod wedi gweithio gyda, a chael fy ysbrydoli a dylanwadu gan ddynes arbennig iawn o’r enw Maria. Hi oedd i lunio fy ngyrfa fel yr wyf yn ei hadnabod heddiw.

Cefais fy ngwerthfawrogiad am fwyd - bwyd syml, blasus, gonest. Rwy’n defnyddio cynhwysion o ansawdd uchel a'u coginio gyda chariad a gofal. I mi, ni ddylai bwyd esgus bod yn unrhyw beth nad ydyw. Ac mae boddhad cwsmeriaid yn hynod bwysig. Rwy'n hoffi cadw at “os gallaf fe wnaf”.

Gweithiais fy ffordd i fyny'r rhengoedd i ddod yn un o'r prif gogyddion ac i mi, daeth bwyd yn bopeth. O'r eiliad dw i'n dihuno i'r eiliad dw i'n cysgu, mae bwyd ar flaen fy meddwl. Mae bwyd yn hobi, dw i nid yn unig yn mwynhau coginio yn y bwyty ond gartref hefyd i deulu a ffrindiau. Rwy'n mwynhau bwyta allan, dod o hyd i lefydd bach sy'n cynnig prydau cartref gonest, blasus.

Mae dod i weithio yn Theatr y Torch, agor a datblygu Caffi Torch a hynny o amgylch bod yn fam brysur nawr i ddau fachgen anhygoel, wedi bod yn brofiad gwych. Mae wedi fy ngalluogi i archwilio a mynegi fy angerdd am fwyd. Mae wedi rhoi’r pleser i mi allu trosglwyddo hyn i’n cwsmeriaid ffyddlon a gwerthfawr. Mae wedi bod mor wych croesawu cwsmeriaid sy'n dychwelyd dro ar ôl tro. Mae'r gefnogaeth rydych chi wedi'i dangos i ni wir yn golygu cymaint!

Ar hyn o bryd, rydym yn gweithredu o amgylch sioeau byw a pherfformiadau sy’n cynnig bwydlen swper cyn theatr sy’n newid yn fisol, bwydlen yn ystod y dydd ar gyfer darllediadau byw a bwydlen i blant ar gyfer theatr fyw i blant.

Nid yw sefydlu ein hunain ar ôl covid wedi dod heb ei heriau, ond mae gennym lawer o gynlluniau cyffrous ar gyfer y dyfodol:

• Cyflwyno clwb swper misol â thema, ar gyfer noson o fwyd blasus mewn awyrgylch hamddenol, gyda chyfle i flasu prydau o bedwar ban byd.

• Gwasanaeth gwneud cacennau wedi'u teilwra. Os ydych chi’n chwilio am gacen ar gyfer achlysur arbennig, mae ein hail gogydd newydd Alicia Todaro yn gallu creu dyluniad pwrpasol ar eich cyfer.

• Profiadau bwyta preifat yn ein Horiel Joanna Field gyda hyd at 25 o westeion mewn ardal sydd ar eich cyfer chi yn unig. Teilwra bwydlen i weddu i'ch chwaeth ac anghenion dietegol.
• Arlwyaeth ar gyfer digwyddiadau a chynadleddau, mae ystafelloedd o wahanol feintiau ar gael i'w llogi gydag arlwyo mewnol.

Mae gennym gymaint i'w gynnig, cysylltwch ag unrhyw ymholiadau sydd gennych.

Edrychwn ymlaen i weld chi oll yn fuan.

Llawer o gariad,

Lisa