Ydych chi'n mynd i'r sinema? Ydych chi'n mwynhau darllediadau byw? Ydych chi wrth eich bodd yn dod i'ch theatr leol? Peidiwch ag edrych ymhellach, gan fod gan Theatr y Torch, Aberdaugleddau yr anrheg Nadolig perffaith i chi – Aelodaeth y Torch a fydd yn rhoi buddion gwych i chi eu mwynhau drwy gydol y flwyddyn.

Dewch yn aelod Sbarc, Fflam neu Oleufa yn y Torch a chefnogwch ein theatr a’r gwaith mae’r Torch yn ei wneud yn y gymuned. Mae'n anrheg berffaith i'r rhai sy'n angerddol am y celfyddydau yma yn Sir Benfro. Trwy ddod yn aelod nid yn unig y byddwch yn cael mynediad at rai buddion gwych - byddwch hefyd yn cefnogi Theatr y Torch i ymestyn ymhellach gyda'i rhaglen artistig a'i phrosiectau ymgysylltu ar draws ein cymuned.

Mae Theatr y Torch yn adnabyddus am ei hamrywiaeth o weithgareddau gan gynnwys Theatr Ieuenctid y Torch ar gyfer plant rhwng saith ac 16 oed o bob rhan o'r sir, sy'n mynychu dosbarthiadau wythnosol; Côr Cymunedol Lleisiau'r Torch gyda chantorion o bob gallu ac oed; Côr Crud Opera Cenedlaethol Cymru ar gyfer pobl sy’n byw gyda neu’n gofalu am rywun â dementia; My Moves – dosbarth dawns anabledd wythnosol; Grwpiau rhieni a babanod ac ysgolion haf a gweithdai yn cwmpasu ysgrifennu creadigol, drama, dawns a theatr gerdd.

​Annie Taylor yw Ymgynghorydd Marchnata Theatr y Torch ac mae’n delio â chodi arian. Mae hi'n dweud bod y cynllun Aelodaeth yn wirioneddol werth chweil.

Ychwanegodd: “Mae cynllun aelodaeth newydd y Torch yn helpu i godi arian hanfodol sy’n sicrhau y gall y Theatr barhau â’i gwaith ar y llwyfan a thu hwnt, ar yr un pryd â rhoi cipolwg unigryw i chi ar fyd y theatr.”

Fel Aelod o’r Torch, nid yn unig y byddwch yn arbed arian, ond byddwch hefyd yn cael eich gwahodd i ddigwyddiadau arbennig a byddwch yn cael cyfle i ymwneud mwy â’ch theatr leol.

Mae tair haen o aelodaeth ar gael:

SBARC yn cynnig cyfle i bobl ifanc sy'n hoff o'r theatr fwynhau theatr a mwy am bris teg

FFLAM gyda'r un buddion â Sbarc ond i oedolion

Mae GOLEUFA yn cynnwys buddion Sbarc a Fflam ond gyda rhai pethau ychwanegol

P'un a ydych chi'n aelod o Sbarc, Fflam neu Oleufa, fe gewch chi groeso cynnes wrth gefnogi cymuned sy'n tyfu ac sy'n rhoi mynediad i fwy o bobl i theatr a'r celfyddydau fel rhan o'i rhaglen allgymorth.

Os hoffech ddod yn Aelod neu brynu aelodaeth fel anrheg, cysylltwch â Theatr y Torch ar 01646 695267 neu e-bostiwch memberships@torchtheatre.co.uk.