Helo Shwmae,

Tim ydw i a minnau yw Uwch Reolwr newydd sbon Theatr y Torch ar gyfer Ieuenctid a Chymuned.

Mae wedi bod yn ddechrau prysur i 2023 – ond ni allwn fod wedi gofyn am le gwell i weithio. Nid yw byth yn hawdd dechrau swydd newydd, symud i gartref newydd, a gwneud ffrindiau newydd. Er hynny, mae pawb yr wyf wedi cyfarfod â hwy, cynulleidfaoedd, cyfranogwyr, a chydweithwyr wedi rhoi croeso mawr i mi, ac ni allaf aros i gwrdd â hyd yn oed mwy ohonoch o bob rhan o sir Benfro a gorllewin Cymru gyfan.

Rwy’n siŵr bod rhai ohonoch yn meddwl tybed beth yw fy rôl… wel mae ychydig fel brand paent adnabyddus a arferai ddweud, “Mae’n gwneud yn union beth mae’n ei ddweud ar y tun”. Mae’n bleser mawr gennyf oruchwylio ein holl waith gyda phobl ifanc, sefydliadau addysgol, grwpiau cymunedol o bob lliw a llun, a diddordebau, yn ogystal â’r rhai nad ydynt yn weithwyr proffesiynol anhygoel o bob rhan o’n hardal yr ydym yn eu croesawu i’r adeilad yn wythnosol.

Mae gennym ni gymaint o ffyrdd anhygoel o ymwneud â Theatr y Torch, fel ein Theatr Ieuenctid clodwiw ar gyfer pobl ifanc 8 i 18 mlwydd oed (yr wyf yn ei rhedeg), ein côr cymunedol gwych Lleisiau'r Torch dan arweiniad Angharad Sanders, Fy Symudiadau (grŵp symud anabledd yng Nghymru) mewn cysylltiad â Phobol yn Gyntaf Sir Benfro), Baby Steps (Grŵp rhieni a babanod sy’n cael ei redeg gan Arts Care Gofal Celf), yn ogystal â grŵp canu Dementia Opera Cenedlaethol Cymru, Côr y Crud.

Ar y 19eg Chwefror rydym yn falch iawn o fod yn cynnig ein gweithdy ysgrifennu creadigol cyntaf i oedolion, gyda thri diwrnod (20fed, 21ain a 22ain Chwefror) o ysgrifennu creadigol gyda phobl ifanc 15 – 18 mlwydd oed i ddilyn. Ceir mwy o wybodaeth ar sut i gymryd rhan yma.

Ond nid dyna’r cyfan, rydym hefyd yn cynnig gweithdai, teithiau cefn llwyfan, a lleoliadau gwaith. Mae gen i gynlluniau ar y gweill hefyd i gynnig hyd yn oed mwy o gyfleoedd yn y dyfodol agos iawn felly cadwch eich llygaid ar ein cyfryngau cymdeithasol am y ffyrdd diweddaraf i ‘Gymryd Rhan’.

Mae pob un ohonom yn y Torch yn credu'n angerddol y gall pob person ddod o hyd i le yma, ond rydym hefyd yn gwybod efallai na fyddwn yn darparu hynny i chi eto. Dyna pam rydw i yma – i’ch helpu chi i ddod o hyd i’r ffordd berffaith i chi fod yn rhan o’r hyn rydyn ni’n ei wneud. Rwy’n awyddus i weithio gyda phawb i’ch helpu i wneud y gorau o gael un o dai cynhyrchu amlycaf Cymru ar garreg eich drws.

Rydych chi wir wedi’ch sbwylio gan ddewis o ran bod yn rhan o’r cyffro yma yn y Torch, a hynny cyn gallu cael mynediad at rai o’r ffilmiau gorau, theatr wefreiddiol, a cherddoriaeth fyw yn un o’n dwy awditoriwm. Mae cymaint o bethau rhyfeddol ar y gweill i chi eu gweld – mae fy nyddiadur yn dechrau llenwi yn barod! Ym mis Mawrth byddaf yn edrych ymlaen at weld y Torch yn croesawu yr aml-wobrwyedig Shôn, gyda'i sioe Still Floating. Gwelais ei gynhyrchiad olaf Possible, ac os golyga hynny unrhyw beth, cewn noson theatr sy’n procio’r meddwl. Mewn cyferbyniad llwyr, rydw i hefyd yn paratoi i neidio i’r sioe gerdd ddwyieithog Tic Toc, sy’n dod i’n prif lwyfan fis Mawrth yma. Fel rhywun a gafodd fy magu ar sioeau cerdd ffilmiau’r 1950au a’r 60au rwyf wrth fy modd yn cael y cyfle i weld a chlywed rhywbeth newydd mewn genre sy’n dal cymaint o atgofion hapus i mi.

Edrychaf ymlaen at eich gweld yn un o’n digwyddiadau yn yr wythnosau a’r misoedd nesaf, ac os yr ydych yn fy ngweld o gwmpas yr adeilad, neu ar y stryd, peidiwch ag oedi cyn dweud ‘Helo’.

Os hoffech ragor o wybodaeth am unrhyw beth uchod, am ddechrau ar eich taith greadigol, neu dim ond i drefnu sgwrs dros baned am yr hyn y gallem ei wneud i chi neu eich grŵp, cysylltwch â mi ar e-bost, sef tim@torchtheatre.co.uk neu ffoniwch 01646 694192.

Llun gan Chris Lloyd.